തിരുവനന്തപുരം: പെരുമാതുറയിൽ കഞ്ചാവ് മാഫിയ വീട് അടിച്ച് തകർത്തു. അക്രമികൾ വീട്ടുകാരെയും ആക്രമിച്ചു. പുതുക്കുറിച്ചി സ്വദേശിനി നദീറയുടെ വീടാണ് അടിച്ചു തകർത്തത്. കഞ്ചാവ് വലിക്കുന്നത് ചോദ്യം ചെയ്തതാണ് ആക്രമണത്തിന് കാരണമായതെന്ന് വീട്ടുകാർ പറയുന്നു.
സമീപവാസികളായ ഷിബിൻ, നിബിൻ കൈഫ് എന്നിവരാണ് വീട് ആക്രമിച്ചത്. ഇന്നലെ ഉച്ചയ്‌ക്ക് രണ്ട് മണിയോടെയായിരുന്നു സംഭവം. ആളില്ലാത്ത സമയത്ത് വീടിന്റെ മതിൽ ചാടി കടന്നായിരുന്നു ആക്രമണം.
സംഭവത്തിന് പിന്നാലെ വീട്ടുകാർ കഠിനകുളം പോലീസിൽ പരാതി നൽകി. ഇക്കാര്യം അറിഞ്ഞ അക്രമികൾ രാത്രി എട്ട് മണിയോടെ വീട്ടിലെത്തി ജനലുകളും കസേരകളും അടിച്ചു തകർത്തു.
