കോട്ടയം: കെഎസ്ആര്‍ടിസി സ്റ്റാന്റില്‍ സ്വകാര്യ ബസ് യാത്രക്കാരെ കയറ്റിയെന്ന് പരാതി. എറണാകുളം റൂട്ടില്‍ ഓടുന്ന ശരണ്യ ബസിനെതിരെയാണ് പരാതി .ചങ്ങനാശേരി സ്റ്റാന്റില്‍ ആളെ കയറ്റിയ നടപടി ചോദ്യം ചെയ്ത കെഎസ്ആര്‍ടിസി ജീവനക്കാര്‍ക്ക് നേരെ അസഭ്യ വര്‍ഷം നടത്തിയതായും പറയുന്നു.
സംഭവത്തില്‍ ആര്‍ടിഒയ്‌ക്കും പൊലീസിനും കെഎസ്ആര്‍ടിസി ജീവനക്കാര്‍ പരാതി നല്കി.കഴിഞ്ഞ ദിവസം അതിരാവിലെ ആറര മണിക്കാണ് കെഎസ്ആര്‍ടി സ്റ്റാന്റിനുള്ളില്‍ കയറി സ്വകാര്യ ബസ് ആളെ കയറ്റിയതെന്നാണ് പരാതി.എസി റോഡില്‍ അറ്റകുറ്റ പണി നടക്കുന്ന സാഹചര്യത്തില്‍ആലപ്പുഴ വഴിയുള്ള സര്‍വീസ് കെഎസ്ആര്‍ടിസി നിര്‍ത്തിവെച്ചിരിക്കുകയാണ്. ഇത് മുതലെടുത്താണ് സ്വകാര്യബസ് സ്റ്റാന്റില്‍ കയറി ആളെ കയറ്റിയത്.
സ്റ്റേഷന്‍ മാസ്റ്റര്‍ അടക്കം ഇതിനെ ചോദ്യം ചെയ്തപ്പോള്‍ സ്വകാര്യ ബസിലെ ജീവനക്കാര്‍ ഇവരെ ഭീഷണിപ്പെടുത്തിയതായാണ് ആരോപണം.
പ്രതികരിക്കാൻ ഇവിടെ എഴുതുക: