നേത്രാവതി എക്‌സ്പ്രസിൽ തീപിടിത്തം; ട്രെയിൻ ആലുവയിൽ പിടിച്ചിട്ടു

തിരുവനന്തപുരം: നേത്രാവതി എക്‌സ്പ്രസിൽ തീപിടിത്തം. മുംബൈയിൽ നിന്നും തിരുവനന്തപുരത്തേക്ക് പോകുകയായിരുന്ന എക്‌സ്പ്രസിന്റെ പാൻട്രി കാറിനടിയിലാണ് തീപിടിത്തം ഉണ്ടായത്. ആലുവ സ്റ്റേഷനിലെത്തിയ ട്രെയിനിന്റെ അടിയിൽ നിന്നും തീയും പുകയും ഉയരുന്നത് കണ്ടതിനെ തുടർന്ന് റെയിൽവേ പോലീസ് അഗ്നിശമന ഉപകരണങ്ങൾ ഉപയോഗിച്ച് തീ നിയന്ത്രണ വിധേയമാക്കുകയായിരുന്നു,.

എക്സ്പ്രസിന്റെ മധ്യഭാഗത്ത് പാൻട്രി കാറിന്റെ വീൽഭാഗത്ത് നിന്നുമാണ് തീ ഉയർന്നത്. ബ്രേക്കുരഞ്ഞ് തീ പടർന്നതാകാം എന്നാണ് പ്രാഥമിക നിഗമനം. കൂടുതൽ പരിശോധനക്കായി ട്രെയിൻ ആലുവയിൽ പിടിച്ചിട്ടിരിക്കുകയാണ്.