റാഞ്ചി: ഭാരത് ജോഡോ ന്യായ് യാത്രക്കിടെ പട്ടിക്ക് നല്കിയ അതേ ബിസ്ക്കറ്റ് അണിക്ക് വച്ചു നീട്ടിയ കോണ്ഗ്രസ് നേതാവ് രാഹുല് ഗാന്ധിയെ വിമര്ശിച്ച് അസം മുഖ്യമന്ത്രി ഹിമന്ത ബിശ്വ ശര്മ്മ. ഇത് ആ കുടുംബത്തിന്റെ പൊതു സ്വഭാവമാണെന്നും അദേഹം പറഞ്ഞു. തനിക്കും സമാനമായ ഒരു അനുഭവം ഉണ്ടായിട്ടുണ്ടെന്നും മുന് കോണ്ഗ്രസ് നേതാവുകൂടിയായ ബിജെപി മുഖ്യമന്ത്രി പറഞ്ഞു.
ന്യായ് യാത്രക്കിടെ തന്റെ വണ്ടിയുടെ മേലെ നിര്ത്തി നായക്ക് ബിസ്ക്കറ്റ് കൊടുത്തു കൊണ്ടിരുന്ന രാഹുല് ഗാന്ധിയെ വീഡിയോയില് കാണാം. എന്നാല് നായ ബിസ്ക്കറ്റ് കഴിക്കാന് വിസമ്മതിച്ചതിനു പിന്നാലെ അത് അടുത്തു നിന്ന അണിയിലേക്ക് നീട്ടുകയായിരുന്നു. അദേഹം അതു വാങ്ങിയതിനു പിന്നാലെ രാഹുല് ആ വ്യക്തിക്ക് കൈകൊടുക്കുകയും ചെയ്തു. ഈ വീഡിയോയ്ക്കാണ് സാമൂഹിക മാധ്യമങ്ങളില് കടുത്ത വിമര്ശനം നേരിടുന്നത്.
Pallavi ji, not only Rahul Gandhi but the entire family could not make me eat that biscuit. I am a proud Assamese and Indian . I refused to eat and resign from the Congress. https://t.co/ywumO3iuBr
— Himanta Biswa Sarma (@himantabiswa) February 5, 2024
എന്നാല് താന് ബിസ്ക്കറ്റ് നല്കിയത് നായയുടെ ഉടമസ്ഥനാണെന്നും, ആ ബിസ്ക്കറ്റ് പിന്നീട് നായ തന്നെ കഴിച്ചുവെന്നും രാഹുല് ന്യായികരിച്ചു. അതേസമയം ഭാരത് ജോഡോ യാത്രയുടെ ഔദ്യോഗിക ഹാന്ഡില് പങ്കിട്ട വീഡിയോയില് ബിസ്ക്കറ്റ് ക്ലിപ്പ് ഉള്പ്പെടുത്തിയിട്ടില്ല.
സോഷ്യല് മീഡിയയില് വൈറലായ വീഡിയോയില് രാഹുല് ഗാന്ധി തന്റെ അനുയായികളോട് മോശമായി പെരുമാറുന്നുവെന്നാണ് ആരോപണം ഉയരുന്നത്. രാഹുല് കാണിച്ചത് ആ കുടുംബത്തിന്റെ പൊതു സ്വഭാവമാണ്. ഞാന് അഭിമാനിയായ ഒരു അസാമിയും ഭാരതീയനും ആണ്. അതുകൊണ്ട് ഞാന് അന്ന് ഇത്തരത്തില് ബിസ്ക്ക്റ്റ് നീട്ടിയപ്പോള് കഴിക്കാന് വിസമ്മതിച്ചുവെന്നും ഹിമന്ത ബിശ്വ ശര്മ്മ പറഞ്ഞു.
