വിശാഖപട്ടണം: വേഗത്തില് 150 ടെസ്റ്റ് വിക്കറ്റുകള് നേടുന്ന ഭാരത പേസറായി ജസ്പ്രീത് സിങ് ബുംറ. ഇംഗ്ലണ്ടിനെതിരെ നടന്നുവുരന്ന രണ്ടാം ടെസ്റ്റില് താരത്തിന്റെ ആറ് വിക്കറ്റ് പ്രകടനത്തോടെയാണ് ഈ നാഴിക കല്ല് താണ്ടിയത്.
കരിയറിലെ 34-ാം ആന്താരാഷ്ട്ര ടെസ്റ്റ് മത്സരത്തിലാണ് താരം 150 വിക്കറ്റുകള് തികച്ചത്. ഇത്രയും വിക്കറ്റുകള് തികച്ച ഭാരത താരങ്ങളില് ആദ്യ അഞ്ച് പേരെയെടുത്താല് ബുംറ ഒഴികെ ബാക്കിയെല്ലാം സ്പിന്നര്മാരാണ്. 29 മത്സരങ്ങളില് 150 വിക്കറ്റുകള് നേടിയ ആര്. അശ്വിന് ആണ് ഇക്കാര്യത്തില് മുന്നില്. രവീന്ദ്ര ജഡേജ(32) രണ്ടാമതും. മൂന്നാം സ്ഥാനത്ത് ബുംറയ്ക്കൊപ്പം അനില് കുംബ്ലെയും എറപ്പള്ളി പ്രസന്നയും ഉണ്ട്. നാലും അഞ്ചും സ്ഥാനങ്ങളില് യഥാക്രമം ഹര്ഭജന് സിങ്ങും(35), ബി.എസ്. ചന്ദ്രശേഖറും(36) ആണ്.
