ന്യൂദൽഹി: രാജ്യത്ത് വനിതാ സംവരണ ബിൽ അവതരിപ്പിച്ചത് ചരിത്ര നീക്കമാണെന്ന് പ്രധാനമന്ത്രി നരേന്ദ്ര മോദി. കഴിഞ്ഞ റിപ്പബ്ലിക് ദിനത്തിൽ കണ്ടതും നാരി ശക്തി പ്രകടനങ്ങളായിരുന്നു. രാഷ്ട്രപതിയുടെ അഭിസംബോധനയും, ധനമന്ത്രിയുടെ ബജറ്റ് അവതരണവും നാരി ശക്തിയുടെ ഉദാഹരണങ്ങളാണ്. ഈ ബജറ്റ് സമ്മേളനം നാരി ശക്തിയുടെ ഉത്സവമാണെന്നും മോദി മാധ്യമപ്രവർത്തകരോട് പറഞ്ഞു.
ഇന്ന് ബജറ്റ് സമ്മേളനം തുടങ്ങുമ്പോള് രാഷ്ട്രപതി ദ്രൗപദി മുര്മു നയപ്രഖ്യാപനം നടത്തും, വ്യാഴാഴ്ച ഇടക്കാല ബജറ്റ് നിര്മല സീതാരാമന് അവതരിപ്പിക്കും, ഒരു തരത്തില് ഇത് നാരീശക്തിയുടെ ഉത്സവമാണെന്നും പ്രധാനമന്ത്രി പറഞ്ഞു. ഇപ്പോള് അവതരിപ്പിക്കുന്നത് ഇടക്കാല ബജറ്റ് ആണെന്നും ലോക്സഭാ തെരഞ്ഞെടുപ്പിന് ശേഷം തന്റെ സര്ക്കാര് സമ്പൂര്ണ ബജറ്റ് കൊണ്ടുവരുമെന്നും പ്രധാനമന്ത്രി ആത്മവിശ്വാസം പ്രകടിപ്പിച്ചു.
ബജറ്റ് സമ്മേളനം ആരംഭിക്കുന്നതിന് മുന്നോടിയായി പാര്ലമെന്റ് നടപടികള് സുഗമമായി നടത്താന് സഹകരിക്കാന് അദ്ദേഹം പ്രതിപക്ഷ എംപിമാരോട് അഭ്യര്ഥിച്ചു.
പ്രതിപക്ഷം സഹകരിക്കണം. പ്രതിപക്ഷ ശബ്ദം ക്രിയാത്മക നിർദേശങ്ങൾക്കായി ഉയരണം. അമാന്യമായ പെരുമാറ്റം അനുവദിക്കാനാവില്ല. കഴിഞ്ഞ സമ്മേളനത്തിലെ അനിഷ്ട സംഭവങ്ങൾ എല്ലാവരും കണ്ടതാണെന്നും മോദി പറഞ്ഞു.
ഇടക്കാല ബജറ്റ് നാളെ 11 മണിക്ക് ധനമന്ത്രി നിർമലാ സീതാരാമൻ അവതരിപ്പിക്കുക. രാജ്യത്തെ 13-ാമത്തെ ഇടക്കാല ബജറ്റാണ് നാളെ അവതരിപ്പിക്കുക. ഒൻപതാം തീയതി വരെ സമ്മേളനം തുടരും.
