കണ്ണൂര് : രാജ്യത്ത് ഏകീകൃത സിവില് കോഡ് നിലവില് വന്നിരിക്കുമെന്ന് നടനും ബിജെപി നേതാവുമായ സുരേഷ് ഗോപി.ലോക്സഭാ തെരഞ്ഞെടുപ്പിന് ശേഷം ഏകീകൃത സിവില് കോഡ് നടപ്പിലാക്കും.
കെ റെയില് വരും കേട്ടോ എന്ന് പറയുന്നത് പോലെയല്ല ഇത്. പിന്നെ ജാതിക്കൊന്നും ഒരു പ്രസക്തിയും ഉണ്ടാവില്ല. തുല്യതയുടെ ഭാഗമായാണ് ഏകീകൃത സിവില് കോഡ് കൊണ്ടു വരികയെന്നും ബിജെപി നേതാവ് പറഞ്ഞു.ബിജെപി സംസ്ഥാന അധ്യക്ഷന് കെ സുരേന്ദ്രന് നയിക്കുന്ന ബിജെപി പദയാത്രയുടെ ഭാഗമായി കണ്ണൂരില് സംഘടിപ്പിച്ച പൊതുസമ്മേളനത്തില് സംസാരിക്കവെയാണ് സുരേഷ് ഗോപിയുടെ പരാമര്ശം.
കേരളത്തിലെ അധമസര്ക്കാരിന് മേല് ഇടിത്തീ വീഴട്ടെ എന്ന് പ്രാര്ത്ഥിക്കുകയാണ് .സംസ്ഥാന സര്ക്കാരിനെതിരായ ആരോപണങ്ങള് കേട്ടാല് പെറ്റതള്ള സഹിക്കില്ലെന്നും സുരേഷ് ഗോപി പറഞ്ഞു.
