ഹിന്ദുത്വ രാഷ്ട്രീയത്തിന്റെ മലയാള സിനിമയുടെ മുഖം എന്ന വിമര്ശനങ്ങളും ഉണ്ണി മുകുന്ദന് നേരിടാറുണ്ട്. ഓരോ തിരഞ്ഞെടുപ്പ് വരുമ്പോഴും ഉണ്ണി മുകുന്ദന്റെ പേരും ചര്ച്ചയാകാറുണ്ട്. ബിജപി ടിക്കറ്റില് ഉണ്ണി മത്സരിക്കുമെന്ന പ്രചാരണങ്ങളും എത്താറുണ്ട്. കേരളത്തില് ചില അപ്രതീക്ഷിത സ്ഥാനാര്ഥികളെ രംഗത്തിറക്കാനാണ് ബിജെപി നീക്കമെന്ന പ്രചാരണങ്ങളും നടന്നിരുന്നു. തൃശൂരിൽ സുരേഷ് ഗോപിയും പത്തനംതിട്ടയില് നടന് ഉണ്ണി മുകുന്ദനും സ്ഥാനാർഥിയായേക്കുമെന്ന സൂചനകളും പുറത്തുവന്നിരുന്നു. ശബരിമല ഉള്പ്പെടുന്ന മണ്ഡലത്തില് മാളികപ്പുറം ചിത്രത്തിലൂടെ കരിയര് ബ്രേക്ക് സൃഷ്ടിച്ച ഉണ്ണി മുകുന്ദനെ സ്ഥാനാര്ഥിയാക്കുന്നത് ഗുണകരമാകുമെന്ന വിലയിരുത്തലും ഉണ്ടായി.
വരുന്ന ലോക്സഭ തെരഞ്ഞെടുപ്പില് പത്തനംതിട്ടയില് നടന് ഉണ്ണി മുകുന്ദന് സ്ഥാനാർഥിയാകുമെന്ന വാര്ത്ത സോഷ്യൽ മീഡിയയിൽ പ്രചരിക്കുന്നുണ്ട്. എന്നാൽ, ഇത് അടിസ്ഥാന രഹിതമാണെന്നെന്ന് താരത്തിന്റെ മനേജര് വിപിന്. സിനിമയില് ശ്രദ്ധ കേന്ദ്രീകരിക്കാനാണ് ഉണ്ണി മുകുന്ദന് താല്ക്കാലം തീരുമാനിച്ചിരിക്കുന്നതെന്നും അദ്ദേഹം പറഞ്ഞു.
ഉണ്ണി മുകുന്ദന്റെ സ്ഥാനാര്ത്ഥിത്വം ബിജെപി പരിഗണിക്കുന്നു എന്ന അഭ്യൂഹം ഉയര്ന്നതിന് പിന്നാലെയാണ് വിശദീകരണവുമായി മാനേജർ രംഗത്ത് എത്തിയത്.
‘ഉണ്ണി മുകുന്ദന് ഒരു പാര്ട്ടിയിലും അംഗത്വമില്ല. നടന് എന്ന നിലയില് കരിയറിലെ ഏറ്റവും നല്ല ഘട്ടത്തിലൂടെ കടന്നു പോകുന്നയാണ്. ഉണ്ണി മുകുന്ദന് ലോക്സഭ തെരഞ്ഞെടുപ്പില് മത്സരക്കുന്ന തരത്തില് വാര്ത്തകള് പ്രചരിക്കുന്നുണ്ട്. ആരാണ് അത്തരം വ്യാജവാര്ത്തകള്ക്ക് പിന്നിലെന്ന് അറിയില്ല. എന്നാല് പ്രചരിക്കുന്ന വാര്ത്തകള് അടിസ്ഥാന രഹിതമാണ്. ഉണ്ണി ഇപ്പോള് സിനിമയില് നല്ല തിരക്കിലാണ്. മറ്റൊന്നിലും ഇപ്പോള് താല്പര്യപ്പെടുന്നില്ല’- വിപിൻ വ്യക്തമാക്കി.
