തിരുവനന്തപുരം: കായലില് കുളിക്കാനിറങ്ങിയ മൂന്ന് വിദ്യാര്ത്ഥികള് മുങ്ങി മരിച്ചു. മണക്കാട് സ്വദേശി മുകുന്ദനുണ്ണി (19) വിഴിഞ്ഞം സ്വദേശി ഫെര്ഡിന് (19) വെട്ടുകാട് സ്വദേശി ലിബിനോണ് (19) എന്നിവരാണ് മരിച്ചത്. വെളളിയാഴ്ച ഉച്ചയ്ക്കുശേഷമാണ് ദുരന്തമുണ്ടായത്.
വെള്ളായണി കായലില് വവ്വാ മൂലയിലാണ് അപകടമുണ്ടായത്. വെങ്ങാനൂര് ക്രൈസ്റ്റ് കോളേജിലെ വിദ്യാര്ത്ഥികളാണ് മരിച്ചത്.
മരിച്ച വിദ്യാര്ത്ഥികള്ക്കൊപ്പം എത്തിയ മറ്റൊരു മറ്റൊരു വിദ്യാര്ത്ഥിയെ ആശുപത്രിയിലേക്ക് മാറ്റി.രണ്ടു ബൈക്കുകളിലായിട്ടാണ് നാലു വിദ്യാര്ത്ഥികള് സ്ഥലത്തെത്തിയത്.
സാധാരണയായി ആളുകള് കുളിക്കുന്ന സ്ഥലമാണെങ്കിലും താഴെ ചെളി നിറഞ്ഞ പ്രദേശമാണ്. നാട്ടുകാരെത്തിയാണ് മൂന്നു വിദ്യാര്ത്ഥികളെയും പുറത്തെടുത്തത്. ചെളിയില് പുതഞ്ഞ നിലയിലായിരുന്നു മൃതദേഹമെന്ന് നാട്ടുകാര് പറഞ്ഞു. പുറത്തെടുത്തപ്പോള് തന്നെ മൂന്നുപേരും മരിച്ചിരുന്നു. സ്ഥലത്ത് അഗന്ശമന സേനയും പൊലീസും എത്തിയിട്ടുണ്ട്.
