ബോളിവുഡില്‍ നിന്നും നിരവധി താരങ്ങളാണ് അയോധ്യയിലെ ചടങ്ങിന് എത്തിയിരുന്നത്. രണ്‍ബീര്‍ കപൂറും ഭാര്യയും നടിയുമായ ആലിയ ഭട്ടും കത്രീന കൈഫും വിക്കി കൗശലുമടക്കം കൂടുതല്‍ പേരും ദമ്പതിമാരായി തന്നെയാണ് വന്നത്. കൂട്ടത്തില്‍ അഭിഷേക് ബച്ചന്റെ സാന്നിധ്യവും ശ്രദ്ധേയമായി. എന്നിരുന്നാലും ഐശ്വര്യ റായി ചടങ്ങിന് സംബന്ധിക്കാത്തതാണ് ചിലര്‍ വലിയൊരു പ്രശ്‌നമായി ചൂണ്ടി കാണിച്ചത്.
അഭിഷേകിനൊപ്പം എന്തുകൊണ്ട് ഐശ്വര്യ റായ് വന്നില്ലെന്നാണ് ആരാധകര്‍ ചോദിക്കുന്നത്. അത് താരങ്ങള്‍ക്കിടയില്‍ പ്രശ്‌നങ്ങള്‍ ഉള്ളത് കൊണ്ടാണെന്ന പ്രചരണവും ഉണ്ടായി. ഇതോടെയാണ് താരങ്ങളുടെ വിവാഹമോചനം സംബന്ധിച്ചുള്ള കൂടുതല്‍ ഊഹാപോഹങ്ങള്‍ക്ക് ഇത് വഴിയൊരുക്കിയത്.
അഭിഷേകും ഭാര്യ ഐശ്വര്യ റായും തമ്മില്‍ വീണ്ടും പ്രശ്‌നങ്ങള്‍ ഉടലെടുത്തതായി റിപ്പോര്‍ട്ടുകള്‍ . കഴിഞ്ഞ കുറേ നാളുകളായി അഭിഷേകും ഐശ്വര്യയും തമ്മില്‍ പിണക്കത്തിലായിരുന്നുവെന്നും ഇപ്പോള്‍ ഇരുവരും പിരിഞ്ഞിരിക്കുകയാണെന്നുമാണ് റിപ്പോര്‍ട്ടുകള്‍ പറയുന്നത്. വേര്‍പിരിയല്‍ വാര്‍ത്തകളെ സാധൂകരിക്കുന്ന സൂചനകള്‍ ഇരുവരും പലപ്പോഴും നല്‍കിയിട്ടുണ്ടെങ്കിലും ഇതുവരേയും വാര്‍ത്തകളോട് താരദമ്പതിമാര്‍ പ്രതികരിച്ചിട്ടില്ല.
ഇപ്പോഴിതാ ഒരിക്കല്‍ കൂടി അഭിഷേക് ബച്ചന്‍ തങ്ങളുടെ ദാമ്പത്യ ജീവിതത്തിലെ വിള്ളലുകളെ പരോക്ഷമായി സൂചിപ്പിക്കുകയാണെന്നാണ് സോഷ്യല്‍ മീഡിയ പറയുന്നത്. അഭിഷേക് ബച്ചന്‍ സോഷ്യല്‍ മീഡിയയില്‍ പങ്കുവച്ച കുറിപ്പാണ് ആരാധകര്‍ക്കിടയില്‍ ചര്‍ച്ചയാകുന്നത്. ജീവിതത്തെക്കുറിച്ച് ആനന്ദ് ചുലാനി പറഞ്ഞ വാക്കുകളാണ് അഭിഷേക് ബച്ചന്‍ പങ്കുവച്ചിരിക്കുന്നത്.
”പരാജയത്തെക്കുറിച്ചുള്ള ഭയം നിങ്ങളുടെ സ്വപ്‌നങ്ങള്‍ തകര്‍ക്കും. പരാജയങ്ങളില്‍ നിന്നും പഠിക്കുന്ന പാഠങ്ങള്‍ നിങ്ങളുടെ സ്വപ്‌നങ്ങളെ കെട്ടിപ്പടുക്കും” എന്ന വാക്കുകളാണ് അഭിഷേക് ബച്ചന്‍ പങ്കുവച്ചിരിക്കുന്നത്. കഴിഞ്ഞ ദിവസം അഭിഷേകിന്റെ സഹോദരി ശ്വേത ബച്ചന്‍ പങ്കുവച്ച വാക്കുകളും സമാനമായ രീതിയില്‍ ചര്‍ച്ചയായിരുന്നു.
വാക്കുകള്‍ക്ക് സാഹചര്യങ്ങളെ നന്നാക്കാനും മോശമാക്കാനും സാധിക്കുന്നതിനെക്കുറിച്ചുള്ള കുറിപ്പായിരുന്നു ശ്വേത ഇന്നലെ പങ്കുവച്ചത്. ‘വാക്കുകള്‍ സംഭവങ്ങളാണ്, അവ കാര്യങ്ങള്‍ ചെയ്യുന്നു, കാര്യങ്ങള്‍ മാറ്റുന്നു. അവ സംസാരിക്കുന്നവനെയും കേള്‍ക്കുന്നവനെയും രൂപാന്തരപ്പെടുത്തുന്നു; അവ ഊര്‍ജം അങ്ങോട്ടും ഇങ്ങോട്ടും നല്‍കുകയും അത് വര്‍ദ്ധിപ്പിക്കുകയും ചെയ്യുന്നു. അവ ധാരണയോ വികാരമോ അങ്ങോട്ടും ഇങ്ങോട്ടും നല്‍കുകയും അത് വര്‍ദ്ധിപ്പിക്കുകയും ചെയ്യുന്നു” എന്നായിരുന്നു ശ്വേത പങ്കുവച്ച വാക്കുകള്‍. ഇതിന് പിന്നാലെ അഭിഷേക് ബച്ചന്‍ പങ്കുവച്ച വാക്കുകളാണ് ഇപ്പോള്‍ ചര്‍ച്ചയാകുന്നത്.
റിപ്പോര്‍ട്ടുകള്‍ പ്രകാരം ഐശ്വര്യ ഇപ്പോള്‍ തന്റെ അമ്മയ്‌ക്കും മകള്‍ക്കുമൊപ്പമാണ് താമസിക്കുന്നത്. അധികം വൈകാതെ തന്നെ ഐശ്വര്യയും അഭിഷേകും ഔദ്യോഗികമായി വിവാഹ ബന്ധം വേര്‍പെടുത്തുമെന്നാണ് റിപ്പോര്‍ട്ടുകള്‍ പറയുന്നത്. എന്നാല്‍ വിവാഹ ബന്ധം വേര്‍പെടുത്തുന്നതിനോട് ബച്ചന്‍ കുടുംബത്തിന് താല്‍പര്യമില്ലെന്നും അതിനാല്‍ ബന്ധം പിരിയാതെ തന്നെ അകന്നു കഴിയാനാണ് തീരുമാനമെന്നും റിപ്പോര്‍ട്ടുകളുണ്ട്. വാര്‍ത്തകളോട് താരങ്ങള്‍ പ്രതികരിക്കുമെന്ന കാത്തിരിപ്പിലാണ് ആരാധകർ
R
പ്രതികരിക്കാൻ ഇവിടെ എഴുതുക: