കണ്ണൂർ: കണ്ണൂരിൽ ആറ് വയസുകാരിയെ പീഡിപ്പിക്കാൻ ശ്രമിച്ച കേസിൽ മദ്ധ്യവയസ്കൻ അറസ്റ്റിൽ. മലപ്പുറം പൊന്നാനി സ്വദേശി വിപി ഫൈസലിനെയാണ് അറസ്റ്റ് ചെയ്തത്. ആക്രി പെറുക്കി ജീവിക്കുന്ന അസം സ്വദേശികളുടെ മകളെയാണ് ഫൈസൽ ലൈംഗികാതിക്രമത്തിന് ഇരയാക്കാൻ ശ്രമിച്ചത്.
അസം സ്വദേശികൾ താമസിക്കുന്നതിന് തൊട്ടടുത്തായുള്ള ക്വാട്ടേഴ്സിൽ താമസിക്കുന്ന ഫൈസൽ പെൺകുട്ടിക്ക് നേരെ അതിക്രമം നടത്തിയെന്നാണ് കേസ്. മാതാപിതാക്കൾ പുറത്ത് പോയ സമയത്തായിരുന്നു പീഡന ശ്രമം. കുട്ടി ഭയന്ന് ബഹളം വച്ചതോടെ പ്രദേശവാസികൾ ഇയാളെ തടഞ്ഞു വയ്ക്കുകയായിരുന്നു. തുടർന്ന് പോലീസിനെ വിളിച്ച് വരുത്തി.
