കക്കാടംപൊയിൽ വീണ്ടും അപകടം;ബൈക്ക് കൊക്കയിലേക്ക് മറിഞ്ഞ് യുവാവിന് ദാരുണാന്ത്യം

കോഴിക്കോട്:തിരുവമ്പാടി കക്കാടംപൊയിൽ ആനക്കല്ലുംപാറയിൽ ബൈക്ക് കൊക്കയിലേക്ക് മറിഞ്ഞ്് യുവാവിന് ദാരുണാന്ത്യം. ഒപ്പമുണ്ടായിരുന്ന യുവാവിന് സാരമായി പരിക്കേറ്റു. ഇയാളുടെ നില ഗുരുതരമായി തുടരുകയാണ്. കഴിഞ്ഞ ദിവസം രാത്രി ഒമ്പത് മണിയോടെയായിരുന്നു അപകടം. മലപ്പുറം സ്വദേികളായ യുവാക്കളാണ് അപകടത്തിൽപ്പെട്ടത്.

കക്കാടംപൊയിലിൽ നിന്നും കൂമ്പാറ ഭാഗത്തേക്ക് പോകുകയായിരുന്ന ബൈക്ക് 50 അടി താഴ്ചയിലേക്ക് മറിയുകയായിരുന്നു. കഴിഞ്ഞ നവംബറിൽ സ്‌കൂട്ടർ മറിഞ്ഞ് രണ്ട് വിദ്യാർത്ഥികൾ മരിച്ച അതേ ഇടത്താണ് ഇന്നലെ വീണ്ടും അപകടം നടന്നത്.