ദുബായ്: അന്താരാഷ്ട്ര ക്രിക്കറ്റ് കൗണ്സില്(ഐസിസി) അഞ്ച് ക്രിക്കറ്റ് ടീമുകളെ പ്രഖ്യാപിച്ചതില് പുരുഷ ഏകദിന ടീം നായകനായി തെരഞ്ഞെടുക്കപ്പെട്ടത് ഭാരതത്തിന്റെ രോഹിത് ശര്മ. ടെസ്റ്റ്, ഏകദിന പുരുഷ, വനിതാ ടീമുകള്, വനിതാ ട്വന്റി20 പുരുഷ വനിതാ ടീമുകള് എന്നിങ്ങനെയാണ് ഐസിസി തെരഞ്ഞെടുത്തത്.
പുരുഷ ഏകദിന ഇലവനില് നായകനായി ഐസിസി തെരഞ്ഞെടുത്ത രോഹിത് ശര്മ്മയ്ക്ക് കീഴില് ആറ് ഭാരത താരങ്ങളുണ്ട്. ശുഭ്മാന് ഗില്, വിരാട് കോഹ്ലി, മുഹമ്മദ് സിറാജ്, കുല്ദീപ് യാദവ്, മുഹമ്മദ് ഷമി എന്നിവരാണ് ഉള്പ്പെട്ടത്.
ട്വന്റി20 പുരുഷ ടീം നായകന് ഭാരതത്തിന്റെ സൂര്യകുമാര് യാദവ് ആണ്. അടുത്തകാലത്ത് നാട്ടില് ഓസ്ട്രേലിയയ്ക്കെതിരെയും ദക്ഷിണാഫ്രിക്കയ്ക്കെതിരെ അവരുടെ നാട്ടിലും യാദവിന് കീഴില് ഭാരതം മികച്ച പ്രകടനം കാഴ്ച്ചവച്ചിരുന്നു. വനിതകളുടെ ട്വന്റി20 ടീമില് ഭാരതത്തില് നിന്നും ദീപ്തി ശര്മ മാത്രമേ ഉള്പ്പെട്ടുള്ളൂ. അതേസമയം ഏകദിന വനിതാ ഇലവനില് ഭാരതീയ വനിത പോലുമില്ല.
ലോക ടെസ്റ്റ് ഇലവനില് ഭാരതത്തിന്റെ രണ്ട് ഭാരത താരളാണ് ഇടംപിടിച്ചത്. പാറ്റ് കമ്മിന്സ് നായകനായ ടീമില് സ്പിന്നര്മാരായ ആര്. അശ്വിനും രവീന്ദ്ര ജഡേജയും ആണ് ഇടംകണ്ടെത്തിയവര്.
