പ്രീമിയര്‍ ലീഗ് പോരാട്ടത്തില്‍ ക്രിസ്റ്റല്‍ പാലസിനെതിരായ മത്സരത്തില്‍ ആഴ്‌സനലിനായി ആദ്യ ഗോള്‍ നേടുന്ന ഗബ്രിയേല്‍ മഗള്‍ഹീസ്(ആറാം നമ്പര്‍ ജേഴ്‌സി) ആഹ്ലാദത്തില്‍
ലണ്ടന്‍: പ്രീമിയര്‍ ലീഗ് ഫുട്‌ബോളില്‍ ക്രിസ്റ്റല്‍ പാലസിനെതിരെ ഗോള്‍ മഴ വര്‍ഷിച്ച് ആഴ്‌സനല്‍. എതിരില്ലാത്ത അഞ്ച് ഗോളുകളടിച്ച് ജയിച്ചാണ് മൈക്കേല്‍ അര്‍ട്ടേറ്റയുടെ ടീം ഇന്നലെ കരുത്ത് കാട്ടിയത്.
11-ാം മിനിറ്റില്‍ ബ്രസീലിയന്‍ പ്രതിരോധ ഭടന്‍ ഗബ്രിയേല്‍ മഗള്‍ഹീസ് നേടിയ ഗോളില്‍ ആഴ്‌സണല്‍ തുടങ്ങി. 37-ാം മിനിറ്റില്‍ ദാനഗോളിലൂടെ ലീഡ് ഇരട്ടിയാക്കി. ആദ്യ പകുതി എതിരില്ലാത്ത രണ്ട് ഗോള്‍ ലീഡില്‍ ആഴ്‌സണല്‍ അവസാനിപ്പിച്ചു.
രണ്ടാം പകുതി പുരോഗമിച്ച മത്സരത്തിന്റെ 59-ാം മിനിറ്റില്‍ ലിയാന്‍ഡ്രോ ട്രോസാര്‍ഡ് ആഴ്‌സനലിനായി ലീഡ് വര്‍ദ്ധിപ്പിച്ചു. മത്സരം 3-0ന് വിജയിച്ചിരിക്കെയാണ് ഇന്‍ജുറി ടൈമില്‍ സെക്കന്‍ഡുകളുടെ വ്യത്യാസത്തില്‍ ഗബ്രിയേല്‍ മാര്‍ട്ടിനെല്ലി ആഴ്‌സണലിനായി ഇരട്ടഗോള്‍ നേടിയത്. പകരക്കാരനായി ഇറങ്ങിയ ബ്രസീലിയന്‍ വലത് വിങ്ങര്‍ 90+4ാം മിനിറ്റില്‍ ഗോളടിച്ചു. സെക്കന്‍ഡുകള്‍ക്കുള്ളില്‍ അടുത്തതും തൊടുത്തു. ജയത്തോടെ ആസ്റ്റണ്‍ വില്ലയെ മറികടന്ന് ആഴ്‌സണല്‍ മൂന്നാം സ്ഥാനത്തെത്തി.
പ്രതികരിക്കാൻ ഇവിടെ എഴുതുക