തൃശൂര്‍ : പാചക വാതക സിലിണ്ടര്‍ കയറ്റിയ വാഹനത്തിന് തീപിടിച്ചു. തൃശൂര്‍ മണി മടവാക്കരയിലാണ് സംഭവം. പാചക വാതക വിതരണം ചെയ്യുന്ന ടെംപോ വാഹനത്തിനാണ് തീ പിടിച്ചത്. ഗാര്‍ഹിക ആവശ്യത്തിന് ഉപയോഗിക്കുന്ന 40 സിലിണ്ടറുകളാണ് വാഹനത്തില്‍ ഉണ്ടായിരുന്നത്. സിലിണ്ടറിലേക്ക് തീ പടരാത്തതിനാല്‍ വന്‍ അപകടം ഒഴിവായി.
പുതുക്കാട് വിഷ്ണു ഗ്യാസ് ഏജന്‍സിയുടെ വാഹനമാണ് കത്തിയത്. ഡ്രൈവറുടെ കാബിനില്‍ നിന്നാണ് തീ ഉയര്‍ന്നത്. നാട്ടുകാരുടേയും ജീവനക്കാരുടേയും അവസരോചിത ഇടപെടലില്‍ പെട്ടന്ന് തന്നെ തീ അണയ്‌ക്കുകയായിരുന്നു. ഷോര്‍ട്ട് സര്‍ക്യൂട്ടാണ് തീ പിടിക്കാനുള്ള കാരണമെന്ന് പോലീസിന്റെ പരിശോധനയില്‍ വ്യക്തമായിട്ടുണ്ട്.
പ്രതികരിക്കാൻ ഇവിടെ എഴുതുക: