തിരുവനന്തപുരം: ഹയർസെക്കൻഡറി വാർഷിക മോഡൽ പരീക്ഷയുടെ കലണ്ടർ പ്രസിദ്ധീകരിച്ചു. ദിവസേന രണ്ട് പരീക്ഷകൾ വീതമാകും നടക്കുക. ഫെബ്രുവരി 15 മുതൽ 21 വരെയാണ് ഇത്തവണ മോഡൽ പരീക്ഷ നിശ്ചയിച്ചിരിക്കുന്നത്.
ദിവസേന രണ്ട് പരീക്ഷയെഴുതുന്നത് ബുദ്ധിമുട്ടാകുമെന്ന് അദ്ധ്യാപകരും വിദ്യാർത്ഥികളും വ്യക്തമാക്കിയെങ്കിലും അധികൃതരുടെ ഭാഗത്ത് നിന്ന് അനുകൂല നടപടി ഉണ്ടായില്ല. പ്രവൃത്തി ദിനങ്ങളിൽ നഷ്ടപ്പെടുത്താതിരിക്കാനാണ് രണ്ട് പരീക്ഷകൾ വീതം നടത്തുന്നതെന്നാണ് അധികൃതർ പറയുന്നത്.
