പത്തനംതിട്ട: മുന്‍ ആരോഗ്യമന്ത്രി കെ കെ ശൈലജക്കെതിരെ ഒളിയമ്പുമായി സി പി എം നേതാവും മുന്‍ മന്ത്രിയുമായ ജി സുധാകരന്‍ . ആരാണ് ടീച്ചര്‍ അമ്മ എന്നാണ് ജി സുധാകരന്റെ ചോദ്യം.
ടീച്ചറമ്മയെ മന്ത്രിയാക്കില്ലെന്ന് ജോസഫ് എം പുതുശേരി എഴുതി. ഒരമ്മയ്‌ക്കും അങ്ങനെ ആരും പേരിട്ടിട്ടില്ല. അവരുടെ പേര് പറഞ്ഞാല്‍ മതി. അത്യാവശ്യം ലാത്തിയടി ഒക്കെ ചിലപ്പോള്‍ മന്ത്രിയാകാന്‍ കൊള്ളേണ്ടി വരുമെന്നും ജി സുധാകരന്‍ പറഞ്ഞു.
മുന്‍ എംഎല്‍എ ജോസഫ് എം പുതുശേരിയുടെ പുസ്തക പ്രകാശന ചടങ്ങില്‍ സംസാരിക്കുകയായിരുന്നു ജി സുധാകരന്‍.പുതുശേരിയുടെ പുസ്തകത്തില്‍ രണ്ടാം പിണറായി സര്‍ക്കാരിന്റെ സത്യപ്രതിജ്ഞയും മന്ത്രിമാരെക്കുറിച്ചും പറയുന്ന ഭാഗത്ത് കെ കെ ശൈലജയെ ടീച്ചര്‍ അമ്മ എന്ന് വിശേഷിപ്പിച്ചതിനെതിരെയായിരുന്നു ജി സുധാകരന്റെ ഒളിയമ്പ്.
ഒരു പ്രത്യേക മന്ത്രി ആവാത്തതിന് വേദനിക്കേണ്ട ആവശ്യമില്ലെന്നും ജി സുധാകരന്‍ പറഞ്ഞു.പി ഡബ്ലിയു ഡി വകുപ്പ് ശരിയാക്കി കൊടുത്ത റോഡുകളും പാലങ്ങളും കൊണ്ടാണ് കഴിഞ്ഞ തവണ ജോസഫ് എം പുതുശേരി പരാജയപ്പെട്ടത്. നമുക്ക് ലഭിക്കുന്ന സ്ഥാനങ്ങള്‍ അവരുടെ പാര്‍ട്ടിയെ ശക്തിപ്പെടുത്താനാകണം.കഴിവുള്ള ഒരുപാട് പേര് സംസ്ഥാനത്ത് മന്ത്രിമാര്‍ ആയിട്ടില്ല. പലരും പല തരത്തില്‍ മന്ത്രിമാര്‍ ആകുന്നുണ്ടെന്നും പിണറായി പറഞ്ഞു..
പ്രതികരിക്കാൻ ഇവിടെ എഴുതുക: