കൊച്ചി : എസ്എഫ്ഐ പ്രവര്ത്തകനെ കുത്തിപ്പരിക്കേല്പ്പിക്കുകയും സംഘര്ഷാവസ്ഥ നിലനില്ക്കുന്ന സാഹചര്യത്തില് മഹാരാജാസ് കോളേജ് അനിശ്ചിത കാലത്തേയ്ക്ക്് അടച്ചു. വ്യാഴാഴ്ച പ്രിന്സിപ്പലിന്റെ നേതൃത്വത്തില് ചേര്ന്ന യോഗത്തിലാണ് ഇതുസംബന്ധിച്ച തീരുമാനമെടുത്തത്.
ബുധനാഴ്ച രാത്രി നാടക പരിശീലനത്തിനിടെയുണ്ടായ സംഘര്ഷത്തിലാണ് എസ്എഫ്ഐ യൂണിറ്റ് സെക്രട്ടറി നാസര് അബ്ദുള് റഹ്മാന് പരിക്കേറ്റത്. ഫ്രറ്റേണിറ്റി, കെഎസ് യു അനുകൂലികള് ചേര്ന്ന് മര്ദ്ദിച്ചതാണെന്നാണ് എസ്എഫ്ഐ ആരോപിക്കുന്നത്. 20 ഓളം പേരടങ്ങുന്നവരാണ് ആക്രമിച്ചതെന്നും അവര് പറഞ്ഞു.
ഇതില് ആറ് പേര് ക്യാമ്പസ്സില് ഉള്ളവരും ബാക്കിയുള്ളവര് പുറത്തുനിന്നുള്ളവരുമാണ്. സംഭവത്തില് പോലീസ് വധശ്രമത്തിന് കേസെടുത്തിട്ടുണ്ട്. രണ്ട് പേരെ പോലീസ് കസ്റ്റഡിയിലെടുത്തിട്ടുണ്ട്. കൂടുതല് അക്രമ സംഭവങ്ങളുണ്ടാകാതിരിക്കാനായി ക്യാമ്പസില് പോലീസ് നിലയുറപ്പിച്ചിരിക്കുകയാണ്.
