റാഞ്ചി : അയോധ്യ ശ്രീരാമക്ഷേത്ര ‘പ്രാണപ്രതിഷ്ഠ’ ചടങ്ങിലേക്ക് ക്രിക്കറ്റ് താരവും ഇന്ത്യന്‍ ടീമിന്റെ മുന്‍ നായകനുമായ എംഎസ് ധോണിക്ക് ക്ഷണം ലഭിച്ചു. അയോദ്ധ്യയില്‍ പൂജിച്ച അക്ഷതവും പ്രാണപ്രതിഷ്ഠാ ചടങ്ങിലേയ്‌ക്കുള്ള ക്ഷണക്കത്തും എംഎസ് ധോണി റാഞ്ചിയിലെ വസതിയില്‍ ഏറ്റുവാങ്ങി.
ബിജെപി ജാര്‍ഖണ്ഡ് സംസ്ഥാന ജനറല്‍ സെക്രട്ടറി കര്‍മ്മവീര്‍ സിംഗും ആര്‍എസ്എസ് സഹപ്രവിശ്യാ സെക്രട്ടറി ധനഞ്ജയ് സിംഗുമാണ് ധോണിയെ പ്രാണ്‍പ്രതിഷ്ഠാ ചടങ്ങിലേക്ക് ക്ഷണിച്ചത് .
നേരത്തേ ക്രിക്കറ്റ് ഇതിഹാസം സച്ചിന്‍ ടെണ്ടുല്‍ക്കര്‍ക്കും പ്രാണപ്രതിഷ്ഠാ ചടങ്ങിലേയ്‌ക്കുള്ള ക്ഷണക്കത്ത് കൈമാറിയിരുന്നു. നീരജ് ചോപ്ര, പിവി സിന്ധു തുടങ്ങി നിരവധി അന്താരാഷ്‌ട്ര അത്ലറ്റുകള്‍ക്കും ചടങ്ങില്‍ പങ്കെടുക്കാന്‍ ക്ഷണമുണ്ട്.
ശ്രീരാമക്ഷേത്ര പ്രതിഷ്ഠാ ചടങ്ങിലിലേക്ക് ക്ഷണിച്ച വിശിഷ്ടാതിഥികള്‍ക്കുള്ള എല്ലാ സൗകര്യങ്ങളും ഒരുക്കിയെന്ന് രാമജന്മഭൂമി തീര്‍ഥ ക്ഷേത്ര ട്രസ്റ്റ് അറിയിച്ചു .
പ്രതികരിക്കാൻ ഇവിടെ എഴുതുക: