റാഞ്ചി: മുസ്ലിം പെണ്കുട്ടിയെ പ്രണയിച്ച് വിവാഹം കഴിച്ച ഹിന്ദു യുവാവിനെ പെണ്കുട്ടിയുടെ ബന്ധുവായ മറ്റൊരു യുവാവ് വിഷം നല്കി കൊന്നു. ജാര്ഖണ്ഡിലെ കോഡര്മയിലാണ് സംഭവം.
ഘനശ്യാം ദാസ് എന്ന ഹിന്ദു യുവാവിനാണ് ദാരുണാന്ത്യം ഉണ്ടായത്. ഇദ്ദേഹം സുല്ത്താന എന്ന ഒരു മുസ്ലിം പെണ്കുട്ടി പ്രണയിച്ചിരുന്നു. ഈ കുട്ടി സുലൈമാന് എന്ന മറ്റൊരു ചെറുപ്പക്കാരന്റെ മരുമകളാണ്. തന്റെ മരുമകളെ ഹിന്ദു യുവാവ് പ്രണയിച്ച് വിവാഹം കഴിച്ചത് ഇഷ്ടമാകാത്ത സുലൈമാന് മദ്യത്തില് വിഷം കലര്ത്തി കൊടുക്കുകയായിരുന്നു.
നേരത്തെ ഒരു വിവാഹം കഴിച്ച സുല്ത്താനയുടെ ഭര്ത്താവ് മരിച്ചു. രണ്ട് കുട്ടികളുള്ള സുല്ത്താന പിന്നീടാണ് കുട്ടികളുടെ ഭാവിയോര്ത്ത് ഘനശ്യാം ദാസിനെ വിവാഹം കഴിച്ചതെന്ന് പറയുന്നു. രണ്ടു പേരും വിവാഹം കഴിച്ച് പത്ത് മാസത്തിന് ശേഷമാണ് സുലൈമാന് ഘനശ്യാം ദാസിനെ വിഷം നല്കി കൊന്നത്. നിങ്ങളുടെ വിവാഹം അനുവദിക്കില്ലെന്നും അത് തടയാന് എന്തെങ്കിലും ചെയ്യുമെന്നും എപ്പോഴും സുലൈമാന് ഭീഷണിപ്പെടുത്തിയിരുന്നതായി സുല്ത്താന പറയുന്നു.
പക്ഷെ പൊലീസ് ഈ കേസില് ഒരു അയഞ്ഞ സമീപനമാണ് സ്വീകരിക്കുന്നതെന്ന് പറയുന്നു. വ്യക്തമായ തെളിവുകള് ഉണ്ടായിട്ടും സുലൈമാനെതിരെ കര്ശന നടപടി പൊലീസ് സ്വീകരിക്കുന്നില്ലെന്ന് പറയുന്നു.
