തൃശൂരില്‍ വീട്ടില്‍ കയറി യുവാവിനെ കുത്തി, യുവാവും കുടുംബാംഗങ്ങളായ സ്ത്രീകളും ആശുപത്രിയില്‍

തൃശൂര്‍: വീട്ടില്‍ കയറി യുവാവിനെ കുത്തിപ്പരിക്കേല്‍പ്പിച്ചു. അണ്ടത്തോടാണ് സംഭവം. അണ്ടത്തോട് സ്വദേശി ഷമീമിനാണ് (26) കുത്തേറ്റത്.

ഷമീറിനെ ആക്രമിക്കുന്നതിനെ ചെറുത്ത കുടുംബാംഗങ്ങളായ ആമിന, റാബിയ എന്നിവര്‍ക്കും പരിക്കേറ്റു. മൂന്നു പേരെയും ചാവക്കാട് താലൂക്ക് ആശുപത്രിയില്‍ പ്രവേശിപ്പിച്ചു.

വെള്ളിയാഴ്ച രാത്രിയാണ് സംഭവം. നാലംഗ സംഘമാണ് രാത്രി പത്ത് മണിയോടെ ഷമീമിന്റെ
വീട്ടിലെത്തി ആക്രമിച്ചത്. വ്യക്തി വൈരാഗ്യമാണ് ആക്രമണത്തിന് കാരണമെന്ന് പൊലീസ് വെളിപ്പെടുത്തി.