ചെന്നൈ:എട്ട് വര്‍ഷം മുന്‍പ് കാണാതായ ഇന്ത്യന്‍ വ്യോമസേനയുടെ പോര്‍വിമാനത്തിന്റെ അവശിഷ്ടം ബംഗാള്‍ ഉള്‍ക്കടലില്‍ കണ്ടെത്തി. 29 പേരുമായി കാണാതായ എഎന്‍-32 എന്ന വ്യോമസേന വിമാനത്തിന്റെ അവശിഷ്ടമാണ് ബംഗാള്‍ ഉള്‍ക്കടലില്‍ കണ്ടെത്തിയത്.
ചെന്നൈയില്‍ നിന്ന് ആന്‍ഡമാന്‍ തലസ്ഥാനമായ പോര്‍ട്ട് ബ്ലെയറിലേക്കുള്ള യാത്രക്കിടെയാണ് വിമാനം കാണാതായത്.2016 ജൂലൈ 22 നാണ് ആഴക്കടലിന് മുകളില്‍ വിമാനം കാണാതായത്.
ഭൗമ ശാസ്ത്ര മന്ത്രാലയത്തിന് കീഴിലെ നാഷണല്‍ ഇന്‍സ്റ്റിറ്റ്യൂട്ട് ഓഫ് ഓഷ്യന്‍ ടെക്‌നോളജി നടത്തിയ പരിശോധനയിലാണ് വിമാനാവശിഷ്ടം കണ്ടെത്തിയത്. സമുദ്ര നിരപ്പില്‍ നിന്ന് 3400 മീറ്റര്‍ ആഴത്തിലാണ് അവശിഷ്ടങ്ങള്‍ കണ്ടത്.
ചെന്നൈ തീരത്ത് നിന്ന് ഉദ്ദേശം 310 കിലോമീറ്റര്‍ അകലെ ഉള്‍ക്കടലില്‍ അടിത്തട്ടിലാണ് അവശിഷ്ടങ്ങള്‍ ഉളളത്. സ്ഥലത്ത് കൂടുതല്‍ പരിശോധനകള്‍ വരും ദിവസങ്ങളില്‍ നടത്തും.
പ്രതികരിക്കാൻ ഇവിടെ എഴുതുക: