ന്യൂദല്‍ഹി: അയോധ്യയിലെ രാമക്ഷേത്ര ഉദ്ഘാടനച്ചടങ്ങില്‍ എല്‍.കെ. അദ്വാനി പങ്കെടുക്കുമെന്ന് വിശ്വ ഹിന്ദു പരിഷത്ത്. അതേ സമയം ആരോഗ്യപരമായ കാരണങ്ങളാല്‍ മുരളീ മനോഹര്‍ ജോഷി പങ്കെടുക്കുമോ എന്ന് ഉറപ്പില്ലെന്നും വിഎച്ച് പി അറിയിച്ചു.
ജനവരി 22ന് നടക്കുന്ന പ്രാണപ്രതിഷ്ഠാച്ചടങ്ങില്‍ അദ്വാനിയും മുരളീമനോഹര്‍ ജോഷിയും പങ്കെടുക്കില്ലെന്ന് ഒരു മാസം മുന്‍പ് ചില സംഘപരിവാര്‍ വിരുദ്ധ ചാനലുകള്‍ അഭ്യൂഹം പരത്തിയിരുന്നു. വ്യാഴാഴ്ച വിഎച്ച്പി പ്രസിഡന്‍റ് അലോക് കുമാറാണ് ഇക്കാര്യം അറിയിച്ചത്.
“താന്‍ ചടങ്ങില്‍ പങ്കെടുക്കാന്‍ എത്തുന്ന കാര്യം അദ്വാനി തന്നെയാണ് അറിയിച്ചത്. അദ്ദേഹത്തിന് ആവശ്യമെങ്കില്‍ സഹായം എത്തിച്ചുകൊടുക്കും”- അലോക് കുമാര്‍ പറഞ്ഞു.
പ്രതികരിക്കാൻ ഇവിടെ എഴുതുക: