തിരുവനന്തപുരം: സിനിമാ നിര്‍മാതാവ് ജി.സുരേഷ്‌കുമാറിനെ (തിരുവനന്തപുരം) ബിജെപി സംസ്ഥാന സമിതിയിലേക്ക് സംസ്ഥാന അധ്യക്ഷന്‍ കെ സുരേന്ദ്രന്‍ നാമനിര്‍ദ്ദേശം ചെയ്തു.പാലക്കാട് മുന്‍ നഗരസഭാ അധ്യക്ഷ അഡ്വ.പ്രിയാ അജയനെയും സംസ്ഥാന സമിതിയിലേക്ക് നാമനിര്‍ദേശം ചെയ്തിട്ടുണ്ട്.
നടി മേനകയാണ് സുരേഷ് കുമാറിന്റെ ഭാര്യ. നടി കീര്‍ത്തി, രേവതി എന്നിവരാണ് മക്കള്‍.
സിനിമാ സംവിധായകനും നടനുമായ മേജര്‍ രവിയെയും സിനിമാ നടന്‍ ദേവനെയും ബിജെപി സംസ്ഥാന ഉപാദ്ധ്യക്ഷന്മാരായി നേരത്തേ തിരഞ്ഞെടുത്തിരുന്നു. ദേവന്‍ സ്വന്തം പാര്‍ട്ടിയായ കേരള പീപ്പിള്‍സ് പാര്‍ട്ടിയെ ബി ജെ പിയില്‍ ലയിപ്പിച്ചിരുന്നു. ബിജെപി അധ്യക്ഷന്‍ കെ. സുരേന്ദ്രന്‍ നയിച്ച വിജയ് യാത്രയുടെ സമാപനവേദിയിലായിരുന്നു ദേവന്റെ ബിജെപി പ്രവേശനം.
പ്രതികരിക്കാൻ ഇവിടെ എഴുതുക