ഇടുക്കി : വണ്ടിപ്പെരിയാറില്‍ പീഡനത്തിന് ഇരയായി കൊല്ലപ്പെട്ട ആറുവയസ്സുകാരിയുടെ അച്ഛനെ പ്രതി പാല്‍രാജ്് കരുതിക്കൂട്ടി ആക്രമിച്ചതാണെന്ന് പോലീസ്. പെണ്‍കുട്ടിയെ ബലാത്സംഗം ചെയ്ത് കൊലപ്പെടുത്തിയെന്ന കേസിലെ പ്രതി അര്‍ജുന്റെ പിതൃസഹോദരനാണ് ഇയാള്‍. പാല്‍രാജ് മനപ്പൂര്‍വ്വം പ്രകോപനം ഉണ്ടാക്കിയതാണെന്നും എഫ്‌ഐആറില്‍ രേഖപ്പെടുത്തിയിട്ടുണ്ട്.
ശനിയാഴ്ച രാവിലെ 10.30 പരുമല ജങ്്ഷനില്‍ വെച്ചാണ് സംഭവം. ഒരു സംസ്‌കാര ചടങ്ങില്‍ പങ്കെടുക്കാന്‍ ചുരക്കുളത്തെ എസ്റ്റേറ്റ് ലയത്തില്‍നിന്നും ഇരുചക്രവാഹനത്തില്‍ വരികയായിരുന്നു കുട്ടിയുടെ പിതാവും മുത്തച്ഛനും. ഇവരെക്കണ്ട് പാല്‍രാജ് കൈ ഉയര്‍ത്തി അശ്ലീല ആംഗ്യം കാട്ടി. കുട്ടിയുടെ പിതാവ് ഇതിനെ ചോദ്യം ചെയ്തതോടെ അരയില്‍ തിരുകിയിരുന്ന കത്തി എടുത്തു കുത്തുകയായിരുന്നു. തടസ്സം പിടിക്കാന്‍ എത്തുന്നതിനിടെയാണ് മുത്തച്ഛനു തോളില്‍ പരിക്കേറ്റത്.
ഉടന്‍തന്നെ ഇരുവരെയും വണ്ടിപ്പെരിയാര്‍ പ്രാഥമികാരോഗ്യകേന്ദ്രത്തില്‍ എത്തിച്ചു പ്രാഥമിക ശുശ്രൂഷ നല്‍കിയ ശേഷം ഉച്ചയോടെ കോട്ടയം മെഡിക്കല്‍ കോളജിലേക്ക് മാറ്റി. പ്രതി ആക്രമിച്ചത് കൊല്ലണമെന്ന ഉദ്ദേശ്യത്തോടെയെന്ന് പോലീസ്്. എഫ്‌ഐആര്‍ പ്രതി പാല്‍രാജ് മനഃപൂര്‍വം പ്രകോപനം ഉണ്ടാക്കിയെന്നാണ് എഫ്‌ഐആറില്‍ രേഖപ്പെടുത്തിയിരിക്കുന്നത്. ഇയാള്‍ക്കെതിരെ വധശ്രമം ഉള്‍പ്പെടെയുള്ള വകുപ്പുകള്‍ ചുമത്തി റിമാന്‍ഡ് ചെയ്തു. പെണ്‍കുട്ടിയുടെ പിതാവിനു നെഞ്ചിലും ഇരുതുടകളിലുമാണ് കുത്തേറ്റത്.
പ്രതികരിക്കാൻ ഇവിടെ എഴുതുക: