ഇടുക്കി : വണ്ടിപ്പെരിയാറില്‍ പീഡനത്തിനിരയായി കൊല്ലപ്പെട്ട ആറുവയസ്സുകാരിയുടെ അച്ഛനെ കുത്തിയ പ്രതി പോലീസ് പിടിയില്‍. കേസിലെ പ്രതി അര്‍ജുന്റെ ബന്ധുവായ പാല്‍രാജാണ് പിടിയിലായത്.
വണ്ടിപ്പെരിയാര്‍ ടൗണില്‍വെച്ചാണ് കുട്ടിയുടെ അച്ഛനും മുത്തച്ഛനും ബൈക്കില്‍ പോകുന്നതിനിടെയാണ് സംഭവം. ഈസമയം പാല്‍ രാജ് ഇവരെ അശ്ലീലം കാണിക്കുകയും പെണ്‍കുട്ടിയുടെ അച്ഛന്‍ അത് ചോദ്യം ചെയ്യുകയുമായിരുന്നു. ഇത് വാക്കുതര്‍ക്കവും കയ്യാങ്കളിയിലേക്കും എത്തിയതോടെ പാല്‍രാജ് കത്തിയെടുത്ത് പെണ്‍കുട്ടിയുടെ അച്ഛനെ കുത്തുകയായിരുന്നു. പിന്നാലെ പ്രതി ഒളിവിലും പോയി.
പെണ്‍കുട്ടിയുടെ അച്ഛന്റെ ഇരുകാലുകളുടേയും തുടയ്‌ക്കാണ് പരിക്കേറ്റത്. മുത്തച്ഛനും പരിക്കേറ്റിട്ടുണ്ട്. ഇരുവരേയും കോട്ടയം മെഡിക്കല്‍ കോളേജില്‍ പ്രവേശിപ്പിച്ചിരിക്കുകയാണ്. തങ്ങള്‍ക്ക് നേരെ ആക്രമണത്തിന് സാധ്യതയുള്ളതായി പെണ്‍കുട്ടിയുടെ ബന്ധുക്കള്‍ കോടതിയെ അറിയിച്ചതിനെ തുടര്‍ന്ന് സംരക്ഷണം നല്‍കിയിരുന്നു.
പ്രതികരിക്കാൻ ഇവിടെ എഴുതുക