കലോത്സവത്തിന്റെ ആദ്യദിനം പോരാട്ടം കനത്തു. 35 മത്സരങ്ങള് പൂര്ത്തിയായപ്പോള് തൃശൂരൂം കോഴിക്കോടും ഒപ്പത്തിനൊപ്പമാണ് മുന്നേറുന്നത്. 157 പോയിന്റു വീതമാണ് ഇരു ജില്ലകള്ക്കുമുള്ളത്.
(രാത്രി പത്തുവരെ) തൊട്ടുപിന്നില് 152 പോയിന്റുമായി കണ്ണൂരുണ്ട്. മറ്റു ജില്ലകളുടെ പോയിന്റു നില ബ്രായ്ക്കറ്റില്. കൊല്ലം (149), പാലക്കാട് (146), മലപ്പുറം (145), എറണാകുളം (141), കാസര്കോട്(139), ആലപ്പുഴ (137), തിരുവനന്തപുരം (133), കോട്ടയം (132), വയനാട് (132), പത്തനംതിട്ട (118), ഇടുക്കി (113).
സ്കൂള് വിഭാഗത്തില് 28 പോയിന്റു നേടി പാലക്കാട് ആലത്തൂര് ബിഎസ്എസ് ഗുരുകുലം എച്ച്എസ്എസ് ആണ് ഒന്നാമത്. 25 പോയിന്റു നേടി പത്തനംതിട്ട കലഞ്ഞൂര് ഗവ. എച്ച്എസ്എസ് ആണ് രണ്ടാം സ്ഥാനത്ത്. 23 പോയിന്റുനേടി പത്തനംതിട്ട കിടങ്ങന്നൂര് എസ്വിജിവിഎച്ച്എസ്എസ് മൂന്നാംസ്ഥാനത്താണ്.
