ദക്ഷിണാഫ്രിക്കയുടെ ഇടംകൈയ്യന്‍ ബാറ്റര്‍ ഡീന്‍ എല്‍ഗാറുടെ വിടവാങ്ങല്‍ മത്സരമാണ് ന്യൂലാന്‍ഡ്‌സില്‍ അവസാനിച്ചത്. പരമ്പരയിലെ ആദ്യ ടെസ്റ്റില്‍ ഭാരതത്തെ തോല്‍പ്പിച്ചതിന്റെ പ്രഭവ കേന്ദ്രം ഈ വിടവാങ്ങല്‍ ടെസ്റ്റ് താരത്തിന്റേതായിരുന്നു.
185 റണ്‍സ് നേടിയ എല്‍ഗാറിന്റെ ഒറ്റയാന്‍ പ്രകടനത്തിന്റെ ബലത്തിലാണ് ദക്ഷിണാഫ്രിക്ക ഇന്നിങ്‌സ് ജയം സ്വന്തമാക്കിയത്. രണ്ടാം ടെസ്റ്റില്‍ പക്ഷെ വിജയം ആവര്‍ത്തിക്കാനായില്ല. പരമ്പരയുടെ താരമായി ജസ്പ്രീത് ബുംറയ്‌ക്കൊപ്പം തെരഞ്ഞെടുക്കപ്പെട്ട എല്‍ഗാര്‍ തന്റെ വിടവാങ്ങല്‍ പ്രസംഗത്തിന്റെ ഭൂരിഭാഗം സമയവും ബുംറയെ പ്രശംസിക്കാനാണ് ഉപയോഗിച്ചത്.
സെഞ്ചൂറിയനിലെ തന്റെ നേട്ടത്തെ കുറിച്ച് പറഞ്ഞതിനേക്കാളേറെ ബുംറയുടെ പന്തുകള്‍ നേരിടാന്‍ ഇനി അവസരമില്ലെന്നത് വലിയ നഷ്ടമായി കണക്കാക്കുന്നുവെന്ന് പ്രതകരിച്ചു. ബുംറയുടെ തുടക്കം ഈ പിച്ചിലായിരുന്നുവെന്നത് ഓര്‍ക്കുന്നു. ഇത്തവണ അദ്ദേഹം തീര്‍ച്ചയായും അര്‍ഹിക്കുന്ന പുരസ്‌കാരമാണ് തനിക്കൊപ്പം പ്ലേയര്‍ ഓഫ് ദി സീരീസിലൂടെ നേടിയെടുത്തിരിക്കുന്നതെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: