ലഖ്‌നൗ : അയോധ്യ രാമക്ഷേത്രം തകര്‍ക്കുമെന്നും ഉത്തര്‍ പ്രദേശ് മുഖ്യമന്ത്രി യോഗി ആദിത്യനാഥിനെ വധിക്കുമെന്നും ഭീഷണി. സമൂഹ മാധ്യമങ്ങളിലൂടെയായിരുന്നു ഭീഷണിപ്പെടുത്തല്‍. അയോധ്യ രാമക്ഷേത്രം ബോംബ് വെച്ച് തകര്‍ക്കും യോഗിയെ ഇല്ലാതാക്കുമെന്നുമായിരുന്നു എക്‌സിലൂടെ ഭീഷണിപ്പെടുത്തിയത്. സംഭവത്തില്‍ രണ്ട് പേര്‍ പോലീസ് പിടിയിലായിട്ടുണ്ട്.
ലഖ്‌നൗ ഗോംതി നഗര്‍ സ്വദേശികളായ ഓം പ്രകാശ് മിശ്ര, തഹര്‍ സിങ് എന്നിവരാണ് അറസ്റ്റിലായത്. എക്‌സിലെ ഭീഷണി പുറത്തുവന്നതിന് പിന്നാലെ ഇവരുടെ ഇമെയില്‍ ഐഡി കണ്ടെത്തുകയും തുടര്‍ന്ന് നടത്തിയ അന്വേഷണത്തില്‍ തഹര്‍ സിങ്ങാണ് ഇമെയില്‍ വിലാസം കണ്ടെത്തിയതെന്നും ഓംപ്രകാശ് മിശ്രയാണ് സന്ദേശം അയച്ചതെന്നും ഉത്തര്‍പ്രദേശ് സ്‌പെഷ്യല്‍ ടാസ്‌ക് ഫോഴ്‌സ് കണ്ടെത്തുകയുമായിരുന്നു.
പാരാമെഡിക്കല്‍ ഇന്‍സ്റ്റിറ്റ്യൂട്ടിലെ ജീവനക്കാരാണ് ഇരുവരും. സംഭവത്തില്‍ ഇരുവര്‍ക്കും തീവ്രവാദ ബന്ധങ്ങളുണ്ടോയെന്നത് സംബന്ധിച്ചും പ്രത്യേക സംഘം അന്വേഷണം നടത്തി വരികയാണ്. ജനുവരി 22നാണ് അയോധ്യയില്‍ പ്രതിഷ്ഠ ചടങ്ങുകള്‍ നടക്കുന്നത്.
പ്രതികരിക്കാൻ ഇവിടെ എഴുതുക: