പ്രധാനമന്ത്രി നരേന്ദ്ര മോദിയെ കാണാനായത് ജന്മാഭിലാഷമെന്ന് ഗായിക വൈക്കം വിജയലക്ഷ്മി. വര്ഷങ്ങളായുള്ള ഒരു ആഗ്രഹമായിരുന്നു അദ്ദേഹത്തെ കാണണമെന്നുള്ളത്. അദ്ദേഹത്തിന് വേണ്ടി സ്വാഗത ഗാനം ആലപിക്കാനായതും ഒരേ വേദി പങ്കിടാനായതും എല്ലാം ഭാഗ്യവും ദൈവാനുഗ്രഹവുമെന്നും അവര് പറഞ്ഞു.
നാരിശക്തി സദസ്സില് പങ്കെടുക്കണമെന്ന് സംഘാടകര് പറഞ്ഞപ്പോള് വലിയ സന്തോഷമാണ് തോന്നിയത്. മോദിയ്ക്കൊപ്പം വേദി പങ്കിടാന് സാധിക്കുമല്ലോ എന്നാണ് ആദ്യം വിചാരിച്ചത്. പിന്നീടാണ് സ്വാഗത ഗാനം ആലപിക്കാന് പറ്റുമോ എന്ന് ചോദിച്ചത്. രണ്ടാമതൊന്ന് ആലോചിക്കാതെയാണ് താന് മറുപടി നല്കിയത്. മോദിയ്ക്ക് സു സ്വാഗതം…. നവ നായകന് സ്വാഗതം എന്ന വിജയലക്ഷ്മിയുടെ സ്വാഗത ഗാനത്തോടെയാണ് മഹിളാസമ്മേളനം ആരംഭിച്ചത്. ആമ്പല്ലൂര് ശ്രീകുമാര് എഴുതി ടി.എസ്. രാധാകൃഷ്ണന് ഈണമിട്ടതാണ് ഗാനം.
