കണ്ണൂര്‍ : മന്ത്രി സജി ചെറിയാന്റ വാക്കുകള്‍ ഏറെ ദുഃഖത്തോടെയാണ് ക്രൈസ്തവ സമൂഹം കേട്ടത്. ഏറെ വേദനിപ്പിക്കുന്ന പ്രസ്താവനയായിരുന്നെന്നും തലശ്ശേരി ആര്‍ച്ച് ബിഷപ്പ് മാര്‍ ജോസഫ് പാംപ്ലാനി. പ്രധാനമന്ത്രിയുടെ വസതിയില്‍ ഒരുക്കിയ ക്രിസ്തുമസ് ആഘോഷത്തില്‍ ക്രിസ്ത്യന്‍ ബിഷപ്പുമാര്‍ പങ്കെടുത്തതുമായി ബന്ധപ്പെട്ട് മന്ത്രി സജി ചെറിയാന്‍ കഴിഞ്ഞ ദിവസം നടത്തിയ പ്രസ്താവനയോട് പ്രതികരിക്കുകയായിരുന്നു അദ്ദേഹം.
സമീപ കാലത്ത് കേരളത്തിലെ രണ്ട് ക്രൈസ്തവ സമൂഹത്തെ ഇത്രയും അപമാനിച്ച പ്രസ്താവന വേറെയാരും നടത്തിയിട്ടില്ല. ഏറെ വേദനയുളവാക്കുന്നതായിരുന്നു അത്്. ‘നവകേരള സദസ്സില്‍ പങ്കെടുത്തതു മുഖ്യമന്ത്രി വിളിച്ചതുകൊണ്ടാണ്. അല്ലാതെ ഒരു രാഷ്‌ട്രീയ പാര്‍ട്ടിയുടെ നേതാവ് എന്നനിലയില്‍ അല്ല ഞങ്ങള്‍ പങ്കെടുക്കുന്നത്.
ഏതെങ്കിലും ബിഷപ്പുമാര്‍ പ്രധാനമന്ത്രിയുടെ ക്ഷണം സ്വീകരിച്ച് അദ്ദേഹത്തിന്റെ വസതിയില്‍ ചെന്നെങ്കില്‍ അതും ഈയൊരു വിശാലവീക്ഷണത്തിലാണ്. അതിനെ കക്ഷിരാഷ്‌ട്രീയവത്കരിക്കുന്നതു ശരിയായ രീതിയല്ലെന്നും പാംപ്ലാനി കൂട്ടിച്ചേര്‍ത്തു.
