ന്യൂദൽഹി: ഇക്കൊല്ലത്തെ റിപ്പബ്ലിക് ദിനപരേഡിലും കേരളത്തിന്റെ നിശ്ചല ദൃശ്യത്തിന് അനുമതി ലഭിച്ചില്ല. വികസിത ഭാരത്, ഭാരതം ജനാധിപത്യത്തിന്റെ മാതാവ് എന്നീ രണ്ട് വിഷയത്തിൽ ആണ് കേരളത്തോട് നിശ്ചല ദൃശ്യ മാതൃക നൽകാൻ നിർദ്ദേശിച്ചിരുന്നത്. 10 മാതൃകകൾ കേരളം നൽകിയിരുന്നു. എന്നാൽ സംസ്ഥാനം നൽകിയത് കേരളത്തിന്റെ വികസന നേട്ടങ്ങളായിരുന്നു. ഇവയൊന്നും അംഗീകരിക്കപ്പെട്ടില്ല.
കേരളത്തിന്റെ വികസന നേട്ടങ്ങളാണ് നിശ്ചലദൃശ്യത്തില് ഉള്പ്പെടുത്തിയിരുന്നതെന്ന് പിആര്ഡി അഡീഷണല് ഡയറക്ടര് വ്യക്തമാക്കി. പഞ്ചാബ്, പശ്ചിമ ബംഗാള്, ദല്ഹി സംസ്ഥാനങ്ങളുടെ നിശ്ചല ദൃശ്യങ്ങള്ക്കും അനുമതി നല്കിയിട്ടില്ല. റിപ്പബ്ലിക് ദിന പരേഡില് അവതരിപ്പിക്കാന് കഴിയാത്ത സംസ്ഥാനങ്ങള്ക്ക് നിശ്ചലദൃശ്യം ഈ മാസം 23 മുതല് 31 വരെ ചെങ്കോട്ടയില് നടക്കുന്ന ഭാരത് പര്വില് അവതരിപ്പിക്കാം എന്ന് പ്രതിരോധ മന്ത്രാലയം കേരളത്തെ അറിയിച്ചു. എന്നാല് ഇക്കാര്യത്തില് കേരളം തീരുമാനമെടുത്തിട്ടില്ല.
ഭാരത് പര്വില് പങ്കെടുക്കില്ലെന്ന് പഞ്ചാബ് മുഖ്യമന്ത്രി ഭഗവന്ത് മന് വ്യക്തമാക്കി.
