ന്യൂദല്‍ഹി : 2024 ജനുവരി 13 മുതല്‍ 19 വരെ ജാര്‍ഖണ്ഡിലെ റാഞ്ചിയില്‍ നടക്കുന്ന എഫ് ഐ എച്ച് വനിതാ ഹോക്കി യോഗ്യതാ മത്സരങ്ങള്‍ക്കുളള ഇന്ത്യന്‍ വനിതാ ടീമിനെ ഹോക്കി ഇന്ത്യ പ്രഖ്യാപിച്ചു.18 അംഗ ടീമിനെയാണ് പ്രഖ്യാപിച്ചത്.
എട്ട് ടീമുകളുള്ള ഹോക്കി മത്സരത്തിലെ ആദ്യ മൂന്ന് ടീമുകള്‍ ഈ വര്‍ഷം ജൂലൈ-ഓഗസ്റ്റ് മാസങ്ങളില്‍ നടക്കുന്ന പാരീസ് 2024 ഒളിമ്പിക്‌സിന് യോഗ്യത നേടും. ഗോള്‍കീപ്പര്‍ സവിത പുനിയയാണ് ഇന്ത്യന്‍ ടീമിന്റെ ക്യാപ്റ്റന്‍. വന്ദന കതാരിയയാണ് വൈസ് ക്യാപ്റ്റന്‍.
ഇന്ത്യ, ന്യൂസിലന്‍ഡ്, ഇറ്റലി, യുണൈറ്റഡ് സ്റ്റേറ്റ്‌സ് എന്നിവയ്‌ക്കൊപ്പം പൂള്‍ ബിയിലാണ്. ജര്‍മ്മനി, ജപ്പാന്‍, ചിലി, ചെക്ക് റിപ്പബ്ലിക് എന്നിവ പൂള്‍ എയിലും ഇടംപിടിച്ചു.
പ്രതികരിക്കാൻ ഇവിടെ എഴുതുക: