തിരുവനന്തപുരം: വിഴിഞ്ഞം തുറമുഖത്ത് ക്രെയിനുകളുമായി നാലാമത്തെ കപ്പല്‍ എത്തി.ഷെന്‍ഹുവ 15 ആണ് വിഴിഞ്ഞത്തെത്തിയത്.
രാവിലെ 11.20 ഓടെയാണ് ചൈനീസ് കപ്പലായ ഷെന്‍ ഹുവാ 15 തുറമുഖത്തെത്തിയത്. രണ്ട് മെഗാമാക്‌സ് എസ് ടി എസ് ക്രയിനുകളും മൂന്ന് യാര്‍ഡ് ക്രെയിനുകളുമാണ് കപ്പലിലുളളത്.
കാലാവസ്ഥ അനുകൂലമാകുന്നതിനനുസൃതമായി ക്രെയിനുകള്‍ ഇറക്കും.ഇതോടെ വിഴിഞ്ഞം തുറമുഖ നിര്‍മ്മാണത്തിന് എത്തിച്ച ക്രെയിനുകളുടെ എണ്ണം 15 ആയി. ഇനി 17 ക്രെയിനുകള്‍ കൂടി എത്തിക്കുമെന്ന് അധികൃതര്‍ അറിയിച്ചു.
ഇതോടെ വിഴിഞ്ഞം തുറമുഖത്ത് നാല് ഷിപ്പു ടു ഷോര്‍ ക്രെയ്‌നുകളും 11 യാര്‍ഡ് ക്രെയ്‌നുകളുമാകും. ഈ ക്രെയിനുകള്‍ പ്രവര്‍ത്തന സജ്ജമാക്കിയ ശേഷമാകും രണ്ടാം ഘട്ടമായി ബാക്കിയുള്ള ക്രെയിനുകള്‍ എത്തുക.
പ്രതികരിക്കാൻ ഇവിടെ എഴുതുക: