തിരുവനന്തപുരം: വെളളിയാഴ്ച വൈകിട്ട് മന്ത്രിയായി ചുമതലയേല്ക്കുന്ന കെ ബി ഗണേഷ് കുമാറിന് ഗതാഗത വകുപ്പിന്റെ മാത്രം ചുമതല. സിനിമാ വകുപ്പ് വേണമെന്ന കേരള കോണ്ഗ്രസിന്റെ ആവശ്യം സി പി ഐ എം തളളി.
സിപിഐഎം സംസ്ഥാന സെക്രട്ടേറിയറ്റിന്റെതാണ് തീരുമാനം. ഗണേഷ് മുമ്പ് കൈകാര്യം ചെയ്തിരുന്ന വകുപ്പുകള് മാത്രം കൈകാര്യം ചെയ്താല് മതിയെന്ന് സിപിഐഎം സംസ്ഥാന സെക്രട്ടേറിയറ്റ് തീരുമാനിച്ചു.
സിനിമ വകുപ്പ് ആവശ്യപ്പെട്ട് കേരള കോണ്ഗ്രസ് (ബി) നേരത്തേ കത്തു നല്കിയിരുന്നു.ആന്റണി രാജു കൈകാര്യം ചെയ്ത ഗതാഗത വകുപ്പാണ് ഗണേഷിനു ലഭിക്കുക.തുറമുഖ- പുരാവസ്തു വകുപ്പാണ് രാമചന്ദ്രന് കടന്നപ്പള്ളിക്ക് ലഭിക്കുക.
ആന്റണി രാജു ഉപയോഗിച്ചിരുന്ന ഓഫിസ് കടന്നപ്പള്ളി രാമചന്ദ്രനും അഹമ്മദ് ദേവര്കോവിലിന്റേതു ഗണേഷിനും കിട്ടും.ഒന്നാം പിണറായി സര്ക്കാരിന്റെ കാലത്ത് ഉപയോഗിച്ചിരുന്ന ഓഫിസ് തന്നെയാണ് കടന്നപ്പള്ളിക്കു കിട്ടുക.
രാജ്ഭവനില് നടക്കുന്ന ചടങ്ങില് ഗവര്ണര് ആരിഫ് മുഹമ്മദ് ഖാന് സത്യവാചകം ചൊല്ലിക്കൊടുക്കും. ചടങ്ങ് ബഹിഷ്കരിക്കുമെന്നു പ്രതിപക്ഷം അറിയിച്ചു. ഔദ്യോഗിക വസതി വേണ്ടെന്ന് ഗണേഷ് അറിയിച്ചിട്ടുണ്ട്.
അതേസമയം കെ.എസ്.ആര്.ടി.സിയില് അഴിമതി അനുവദിക്കില്ലെന്ന് കെ.ബി.ഗണേഷ്കുമാര് പറഞ്ഞു. ഗ്രാമീണമേഖലകളില് കൂടുതല് ബസുകള് ഓടിക്കും.
