തൃശൂർ: മൂർക്കനാട് ക്ഷേത്രക്കുളത്തിൽ കാൽ വഴുതി വീണ് വിദ്യാർത്ഥിക്ക് ദാരുണാന്ത്യം. മുർക്കനാട് ശിവ ക്ഷേത്ര കുളത്തിൽ കാൽ കഴുകാനിറങ്ങിയപ്പോൾ വഴുതി വീഴുകയായിരുന്നു. പുറത്താട് സ്വദേശി അനിൽകുമാറിന്റെ മകൻ അജിൽ കൃഷ്ണയാണ് മരിച്ചത്.
ഇരിങ്ങാലക്കുട സെന്റ് മേരീസ് സ്കൂളിലെ പ്ലസ് വൺ വിദ്യാർത്ഥിയായിരുന്നു. കൂട്ടുകാർക്കൊപ്പമുള്ള കളി കഴിഞ്ഞ് കുളത്തിൽ കാൽ കഴുകാനിറങ്ങിയപ്പോഴായിരുന്നു സംഭവം. കാൽ വഴുതി വീണതിന് പിന്നാലെ കുളത്തിൽ കളിച്ചുകൊണ്ടിരുന്ന മറ്റുള്ളവർ പുറത്തെടുത്ത് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
