മോദി ക്രിസ്ത്യന് ഹൃദയങ്ങള് കീഴടക്കാന് തുടങ്ങിയതില് കൂടുതല് വെറുപ്പ് സിപിഐ നേതാവ് ബിനോയ് വിശ്വത്തിന്. ക്രിസ്തുമസ് നാളില് ക്രിസ്തീയ മതനേതാക്കള്ക്കൊപ്പം മോദി വിരുന്നില് പങ്കെടുത്തതില് അമര്ഷം പ്രകടിപ്പിക്കുകയായിരുന്നു ബിനോയ് വിശ്വം.
എല്ലാ ബിഷപ്പുമാരും വിരുന്നിന് ശേഷം ഗോള്വാള്ക്കറുടെ വിചാരധാര വായിക്കണമെന്നായിരുന്നു ബിനോയ് വിശ്വം പ്രസ്താവിച്ചത്. മണിപ്പൂരിനെക്കുറിച്ച് ചോദിക്കാനും ബിനോയ് വിശ്വം ബിഷപ്പുമാരോട് ആവശ്യപ്പെട്ടു. അതേ സമയം മോദി തന്റെ സൗഹൃദ വിരുന്നില് ക്രിസ്തീയ പുരോഹിതരുമായി അടുത്ത് ഇടപഴകി.
ക്രിസ്മസ് കരോള് ഗാനത്തിലൂടെയായിരുന്നു തുടക്കം. 2024 പകുതിയോടെയോ 2025 ആദ്യമോ ആയിരിക്കും മാർപാപ്പ ഇന്ത്യയിലെത്തുകയെന്നും പ്രധാനമന്ത്രി അറിയിച്ചു. ക്രൈസ്തവ സഭാ മേലധ്യക്ഷൻമാർ ഉൾപ്പടെ 60 പേരാണ് പ്രധാനമന്ത്രി ഒരുക്കിയ ക്രിസ്മസ് വിരുന്നിൽ പങ്കെടുത്തത്.
അതേസമയം പ്രധാനമന്ത്രിയും സഭാപ്രതിനിധികളും തമ്മിലുള്ള കൂടിക്കാഴ്ചയിൽ മണിപ്പൂർ വിഷയമോ മറ്റ് രാഷ്ട്രീയ വിഷയങ്ങളോ ചർച്ചയായില്ല. ക്രൈസ്തവർക്ക് വലിയ പ്രതീക്ഷ നൽകുന്ന നടപടിയാണ് പ്രധാനമന്ത്രിയുടേതെന്ന് വിരുന്നിൽ പങ്കെടുത്ത സഭാപ്രതിനിധികൾ പറഞ്ഞു. രാജ്യത്തിന്റെ വികസനത്തിന് ക്രൈസ്തവ സഭകളുടെ പിന്തുണ പ്രധാനമന്ത്രി ആവശ്യപ്പെട്ടു.
