ദേവസ്വത്തിലേക്ക് ഒരു ക്ഷേത്രഭൂമി കൂടി; പാലക്കാട് ചാത്തൻകുളങ്ങര ക്ഷേത്രഭൂമി ദേവസ്വത്തിന് വിട്ട് നൽകണമെന്ന് ഹൈക്കോടതി

തിരുവനന്തപുരം: പാലക്കാട് അകത്തേത്തറ ചാത്തൻകുളങ്ങര ക്ഷേത്രഭൂമി ക്ഷേത്രം ദേവസ്വത്തിന് വിട്ട് നൽകണമെന്ന് ഹൈക്കോടതി.

വർഷങ്ങളായി എൻഎസ്എസിന്റെ പാട്ടഭൂമിയായിരുന്നു. 50 ഏക്കര്‍ ഭൂമിയുണ്ടായിരുന്നു. ഭൂമി ചാത്തൻകുളങ്ങര ദേവസ്വത്തിന് വിട്ട് നൽകണമെന്നാണ് ജസ്റ്റിസ് സതീഷ് നൈനാന്റെ ഉത്തരവ്.

1969 മുതൽ എൻഎസ്എസ്സിന് 36 വർഷത്തേയ്‌ക്ക് പാട്ടത്തിന് നൽകിയിരുന്നു.പാട്ടകാലാവധി കഴിഞ്ഞിട്ടും ക്ഷേത്രഭൂമി വിട്ട് നൽകിയിരുന്നില്ലെന്നായിരുന്നു ദേവസ്വത്തിന്റെ പരാതി. .

നേരത്തെ . .ഭൂപരിഷ്കരണ നിയമത്തിന്റെ വ്യവസ്ഥതകളിലെ ആനുകൂല്യം ചൂണ്ടിക്കാട്ടി പാലക്കാട് ജില്ലാ കോടതി എൻ എസ് എസ്സിന് അനുകൂല ഉത്തരവ് നല്‍കിയിരുന്നു. പക്ഷെ ദേവസ്വം 2017ല്‍ ഹൈക്കോടതിയെ സമീപിക്കുകയായിരുന്നു.