ന്യൂഡല്ഹി: ഗുസ്തി ഫെഡറേഷനെ സസ്പെന്ഡ് ചെയ്ത കേന്ദ്ര കായിക മന്ത്രാലയത്തിന്റെ നടപടിയെ സ്വാഗതം ചെയ്ത് സാക്ഷി മാലിക്. നടപടി താരങ്ങള്ക്ക് ഗുണം ചെയ്യുമെന്ന് സാക്ഷി മാലിക് പറഞ്ഞു.
ഇത് പോരാട്ടത്തിന്റെ ആദ്യപടിയാണ്. പുതിയ ഫെഡറേഷന് അനുസരിച്ച് വിരമിക്കലില് അന്തിമ തീരുമാനമെടുക്കുമെന്നും സാക്ഷി പറഞ്ഞു.
ഗുസ്തി ഫെഡറേഷനെ സസ്പെന്ഡ് ചെയ്ത കേന്ദ്ര നടപടിയില് വ്യക്തത വന്നിട്ടില്ലെന്നും സാക്ഷി പറഞ്ഞു.ഞങ്ങളുടെ പോരാട്ടം സര്ക്കാരിനെതിരെയല്ലോന്നും വനിതാ ഗുസ്തി താരങ്ങള്ക്ക് വേണ്ടിയാണെന്നവും റിയോ ഒളിമ്പിക്സ് വെങ്കല മെഡല് ജേതാവ് പറഞ്ഞു.
അതേസമയം ഗുസ്തി രാഷ്ട്രീയത്തില് നിന്ന് വിട്ടുനില്ക്കുമെന്ന് ഗുസ്തി ഫെഡറേഷന് മുന് അധ്യക്ഷന് ബ്രിജ് ഭൂഷണ് ശരണ് സിംഗ് എം പി അറിയിച്ചു. ബിജെപി ദേശീയ അധ്യക്ഷന് ജെ പി നദ്ദയുമായി സംഭാഷണത്തിന് ശേഷം സംസാരിക്കുകയായിരുന്നു അദ്ദേഹം.ഗുസ്തി താരങ്ങള്ക്ക് വേണ്ടി 12 വര്ഷം പ്രവര്ത്തിച്ചു. തെറ്റ് ചെയ്തിട്ടില്ലെന്ന് കാലം തെളിയിക്കും.
