തിരുവനന്തപുരം: നവകേരള സദസില് പങ്കെടുക്കാത്തതിന്റെ പേരില് വനിത ഓട്ടോ ഡ്രൈവറെ വിലക്കി സി ഐ ടി യു യൂണിയന്. തിരുവനന്തപുരം കാട്ടായിക്കോണം ജംഗ്ഷനില് ഓട്ടോ ഓടുന്ന തൊഴിലാളിയായ മങ്ങാട്ടുക്കോണം സ്വദേശിനിയായ രജനിക്കാണ് പിണറായിയുടെ നവകേരളയാത്രയില് പങ്കെടുക്കാത്തതില് വിലക്ക് ഏര്പ്പെടുത്തിയത്.
എട്ട് വര്ഷമായി കാട്ടായിക്കോണം ജംഗ്ഷനില് ഓട്ടോ ഓടിക്കുന്നുണ്ട്. വര്ഷങ്ങളായി പാര്ട്ടി മെമ്പറും സി.ഐ.ടി.യു അംഗവുമാണ് രജനി. ആരോഗ്യ പ്രശ്നം മൂലമാണ് നവകേരള സദസില് പങ്കെടുക്കാതിരുന്നതെന്നാണ് രജനി പറയുന്നത്.
ചുമട്ടുതൊഴിലാളിയായ സഹോദരനെതിരെയും നടപടിയുണ്ടാകുമെന്നാണ് റിപ്പോര്ട്ട്.
