വാകേരിയിൽ വീണ്ടും കടുവയുടെ സാന്നിധ്യം; പശുക്കിടാവിനെ കടിച്ചു കൊന്നു

വയനാട്: വാകേരിയിൽ വീണ്ടും കടവുയെത്തി എട്ട് മാസം പ്രായമായ പശുക്കിടാവിനെ കടിച്ചു കൊന്നു. ഞാറക്കാട്ടിൽ സുരേന്ദ്രന്റെ തൊഴുത്തിലാണ് കടുവ എത്തിയത്. ദിവസങ്ങൾക്ക് മുമ്പ് സുൽത്താൻ ബത്തേരിയിലും കടുവയുടെ ആക്രമണമുണ്ടായിരുന്നു.

പച്ചാടി കോളനിയിലെത്തിയ കടുവ ഇവിടുത്തെയും പശുവിനെ ആക്രമിച്ചു കൊന്നിരുന്നു. വാകേരിയിൽ നിന്നും ഈയടുത്ത് കടുവയെ പിടികൂടിയിരുന്നു. ഇതിനടുത്ത പ്രദേശത്താണ് വീണ്ടും കടുവയുടെ ആക്രമണം നടന്നിരിക്കുന്നത്.