തൃശൂര്‍ : ചാലക്കുടി എസ്‌ഐയ്‌ക്ക് നേരെ ഭീഷണി പ്രസംഗം നടത്തി എസ്എഫ്ഐ നേതാവ്. കേന്ദ്ര കമ്മിറ്റി അംഗം ഹസന്‍ മുബാറക് ആണ് എസ്‌ഐയുടെ കൈയ്യും കാലും തല്ലിയൊടിച്ച് തെരുവു പട്ടിയെപോലെ തല്ലുമെന്ന് പറഞ്ഞത്.
പൊലീസിന് എതിരെ ചാലക്കുടിയില്‍ എസ് എഫ് ഐ നടത്തിയ പ്രകടനം ഉദ്ഘാടനം ചെയ്ത് സംസാരിക്കുന്നതിനിടെയായിരുന്നു ഹസന്‍ മുബാറക് അസഭ്യ വര്‍ഷം നടത്തിയത്.
എസ് ഐയുടെ കൈകാലുകള്‍ തല്ലിയൊടിച്ച് വിയ്യൂരിലോ കണ്ണൂരിലോ പൂജപ്പുരയിലോ കിടക്കേണ്ടി വന്നാല്‍ പുല്ലാണെന്നാണ് ഹസന്‍ മുബാറക് പറഞ്ഞത്.
ചാലക്കുടി ഐ ടി ഐയിലെ തെരഞ്ഞെടുപ്പുമായി ബന്ധപ്പെട്ട് കെട്ടിയ കൊടിതോരണങ്ങള്‍ അഴിപ്പിച്ചതാണ് സംഘര്‍ഷത്തിന് കാരണം. കഴിഞ്ഞ ദിവസം പൊലീസ് ജീപ്പ് അടിച്ചു തകര്‍ത്തിരുന്നു. ജീപ്പ് തകര്‍ത്ത ഡിവൈഎഫ്ഐ ബ്ലോക്ക് സെക്രട്ടറി നിധിന്‍ പുല്ലനെ പൊലീസ് കസറ്റഡിയിലെടുത്തെങ്കിലും പാര്‍ട്ടി പ്രവര്‍ത്തകര്‍ ബലമായി മോചിപ്പിച്ചു.
പ്രതികരിക്കാൻ ഇവിടെ എഴുതുക: