തൃശൂര്: ചാലക്കുടിയില് എസ് എഫ് ഐ-ഡി വൈ എഫ് ഐ പ്രവര്ത്തകര് പൊലീസ് ജീപ്പ് അടിച്ചു തകര്ത്തു.ചാലക്കുടി ഐടിഐ തിരഞ്ഞെടുപ്പില് എസ്എഫ്ഐ വിജയിച്ചതിനെ തുടര്ന്ന് പൊലീസ് നടത്തിയ വിജയാഹ്ലാദ പ്രകടനത്തിനിടെയാണ് സംഭവം.
പൊലീസ് ജീപ്പ് തകര്ത്ത സംഭവത്തില് പൊലീസ് ബലം പ്രയോഗിച്ച് കസ്റ്റഡിയിലെടുത്ത ഡിവൈഎഫ്ഐ നേതാവ് നിധിന് പുല്ലനെ ഡി വൈ എഫ് ഐ പ്രവര്ത്തകര് ബലമായി മോചിപ്പിക്കുകയും ചെയ്തു.നിധിന് പുല്ലനെതിരെ പൊതുമുതല് നശിപ്പിച്ചതിനും പൊലീസുകാരെ ആക്രമിച്ചതിനും ഭീഷണിപ്പെടുത്തിയതിനും ഉള്പ്പെടെ കേസെടുത്തു
തെരഞ്ഞെടുപ്പ് ഇന്ന് നടന്നതിന് മുന്നോടിയായി ഇന്നലെ ഐ ടി ഐക്ക് മുന്നിലെ കൊടിതോരണങ്ങള് പൊലീസ് അഴിപ്പിച്ചിരുന്നു. ഇതാണ് പ്രകോപന കാരണമെന്നാണ് കരുതുന്നത്. ജീപ്പിലിരുന്ന പൊലീസുകാരെയും ഡി വൈ എഫ് ഐക്കാര് ഭീഷണിപ്പെടുത്തി.
