ആലപ്പുഴ: ആലപ്പുഴയുടെ ശാന്തിയും സമാധാനവും തകര്ക്കാന് എസ്ഡിപിഐ വീണ്ടും ശ്രമിക്കുകയാണെന്ന് ബിജെപി സംസ്ഥാന വക്താവ് സന്ദീപ് വാചസ്പതി.
അതിന്റെ ഭാഗമായാണ് രഞ്ജിത്ത് ശ്രീനിവാസിന്റെ ബലിദാന ദിനത്തില് പ്രകോപനപരമായ ബാനറുകള് ജില്ലയുടെ പല ഭാഗത്തും ഉയര്ത്തിയത്. പൊലീസ് സ്റ്റേഷന്റെ സമീപത്ത് ഉള്പ്പടെ ഇത്തരം ബാനറുകള് ഉയര്ന്നിട്ടും പൊലീസ് നോക്കുകുത്തി ആയിരിക്കുന്നത് എസ്ഡിപിഐ സിപിഎം കൂട്ടുകെട്ടിനെ പറ്റി അറിവുള്ളത് കൊണ്ടാണ്. മത ഭീകരവാദികള്ക്ക് പിന്തുണ നല്കുന്ന രീതി സിപിഎം അവസാനിപ്പിക്കണം.
ജില്ലയിലെ സമാധാന അന്തരീക്ഷം തകര്ക്കുന്ന നീക്കത്തില് നിന്ന് രണ്ട് പാര്ട്ടികളും പിന്മാറണം. പ്രകോപന പരമായ ബാനറുകള് സ്ഥാപിച്ച എസ്.ഡി.പി.ഐ.ഐ നേതാക്കള്ക്കെതിരെ ക്രിമിനല് കേസ് എടുക്കണമെന്നും അദ്ദേഹം പ്രസ്താവനയില് ആവശ്യപ്പെട്ടു.
