മുംബൈ: ദാവൂദ് ഇബ്രാഹിമിന്റെ കൂട്ടാളിയായ സലിം കുത്ത ഉദ്ധവ് താക്കറെയുടെ ശിവസേന(യുബിടി)യുടെ നാസിക് സിറ്റി പ്രസിഡന്‍റ് സുധാകര്‍ ബഡ്ജുഗറുമായി നൃത്തം ചെയ്തതായി ആരോപണം. സുധാകര്‍ ബഡ്ജുഗാറിന്റെ ഫാം ഹൗസില്‍ നടന്ന പാര്‍ട്ടിയിലായിരുന്നു സലിം കുത്തയുമൊത്ത് ശിവസേന നേതാവ് മദ്യപിച്ച് ആടിപ്പാടിയത്. . ഇതിന്റെ വീഡിയോ സമൂഹമാധ്യമങ്ങളില്‍ വൈറലായി പ്രചരിച്ചതോടെയാണ് ഉദ്ധവ് താക്കറെയും അദ്ദേഹത്തിന്റെ പാര്‍ട്ടിയായ ശിവസേന(യുബിടി)യും പ്രതിരോധത്തിലായത്.
ബിജെപി തന്നെയാണ് ആരോപണം ഉന്നയിച്ചിരിക്കുന്നത്. ബിജെപിയുടെ നിതീഷ് റാണയാണ് ക്രമപ്രശ്നം എന്ന നിലയില്‍ നിയമസഭയില്‍ ഈ പ്രശ്നം ഉയര്‍ത്തിയത്. ഇതേക്കുറിച്ച് അന്വേഷിക്കാന്‍ പ്രത്യേക അന്വേഷണ സംഘത്തെ ചുമതലപ്പെടുത്തിയതായി മഹാരാഷ്‌ട്ര സര്‍ക്കാര്‍ ഉത്തരവിട്ടിരിക്കുകയാണ്.
സലിംകുത്തയുടെ ശരിയായ പേര് മുഹമ്മദ് സലിം മീര്‍ ഷേഖ് എന്നാണ്. 257 പേര് കൊല്ലപ്പെടുകയും 700 പേര്‍ക്ക് പരിക്കേല്‍ക്കുകയും ചെയ്ത ദാവൂദ് സംഘം നടത്തിയ 1993ലെ മുംബൈയിലെ സ്ഫോടനപരമ്പരയില്‍ പ്രതിയായിരുന്നു സലിം കുത്ത. .
പ്രതികരിക്കാൻ ഇവിടെ എഴുതുക: