ആലപ്പുഴ : ഡ്രൈവര്ക്ക് തലകറങ്ങിയതിനെ തുടര്ന്ന് കെഎസ്ആര്ടിസി സ്വിഫ്റ്റ് ബസ് നിയന്ത്രണംവിട്ട് മറ്റ് വാഹനങ്ങളില് ഇടിച്ച് നിരവധി പേര്ക്ക് പരിക്ക്. അരൂര് സിഗ്നലില് നിര്ത്തിയിരുന്ന അഞ്ച് വാഹനങ്ങളിലാണ് ബസ് ഇടിച്ചത്.
വൈകിട്ട് 6.30ന് ആയിരുന്നു അപകടം.വിവിധ വാഹനങ്ങളിലുള്ള 12 പേര്ക്ക് പരിക്കേറ്റു. ഇതില് ഒരാളുടെ പരിക്ക് ഗുരുതരമാണ്.
കോതമംഗലത്ത് നിന്നും തിരുവനന്തപുരത്തേക്ക് പോകുകയായിരുന്ന സ്വിഫ്റ്റ് ബസ് സിഗ്നല് കാത്തുനിന്ന ബൈക്ക് യാത്രികനെയാണ് ആദ്യം ഇടിച്ചു വീഴ്ത്തിയത്. മുന്നിലുണ്ടായിരുന്ന രണ്ട് കാറുകളിലും സ്വകാര്യ ബസിന് പിന്നിലുമാണ് വാഹനങ്ങളുടെ കൂട്ടിയിടി നടന്നത്. ഒരു കാര് പൂര്ണമായും തകര്ന്നു.
