കോട്ടയം: വൈക്കത്ത് കാണാതായ 13-കാരനെ കണ്ടെത്തി. ഇന്നലെ അർദ്ധരാത്രി 12 മണിയോടെ കാണാതായ കുട്ടിയെയാണ് കണ്ടെത്തിയത്. കടുത്തുരുത്തിയിൽ നിന്നാണ് കുട്ടിയെ കണ്ടെത്തിയത്. വൈക്കം കാരയിൽ ആയുർവേദ ആശുപത്രിക്ക് സമീപം കാരയിൽചിറ ജാസ്മിന്റെ മകൻ അഥിനാനെയാണ് ഇന്നലെ വൈകിട്ടോടെ കാണാതായത്.
കുട്ടിയുടെ പിറന്നാളായിരുന്നു ഇന്നലെ. പിന്നാലെ സമീപത്തെ വീട്ടിൽ കേക്ക് നൽകാൻ പോയ കുട്ടിയെ കാണാതായതോടെ അമ്മ പോലീസിൽ വിവരം അറിയിക്കുകയായിരുന്നു.പിന്നാലെ പ്രദേശത്തെ സിസിടിവി ദൃശ്യങ്ങൾ കേന്ദ്രീകരിച്ച് പോലീസ് അന്വേഷണം ആരംഭിച്ചു.
ഇതിനിടെ വൈകിട്ട എട്ട് മണിക്ക് ശേഷം കടുത്തുരുത്തി പാതയിൽ പ്രദേശവാസികൾ കുട്ടിയെ കണ്ടതായി പോലീസിൽ വിവരം അറിയിച്ചു. പിന്നാലെ പ്രദേശവാസികൾ കുട്ടിയെ കണ്ടെത്തി. അമ്മ വഴക്ക് പറഞ്ഞതിനെ തുടർന്നാണ് അതിനാൻ വീടുവിട്ടിറങ്ങിയത്.
