കണ്ണൂര് : നവകേരള ബസിന് നേരെ കരിങ്കൊടി കാട്ടിയ യൂത്ത് കോണ്ഗ്രസ് പ്രവര്ത്തകരെ മര്ദ്ദിച്ച ഡി വൈ എഫ് ഐ പ്രവര്ത്തകര്ക്ക് സ്വീകരണവുമായി സി പി എം. പഴയങ്ങാടിയില് യൂത്ത് കോണ്ഗ്രസ് പ്രവര്ത്തകരെ മര്ദ്ദിച്ച സംഭവത്തില് ജാമ്യം ലഭിച്ച് ജയിലില് നിന്ന് പുറത്തിറങ്ങിയ നാല് ഡിവൈഎഫ്ഐ പ്രവര്ത്തകര്ക്കാണ് സിപിഎം മാടായി ഏരിയ കമ്മിറ്റി സ്വീകരണം ഒരുക്കിയത്.
യൂത്ത് കോണ്ഗ്രസ് പ്രവര്ത്തകരെ മര്ദ്ദിച്ചതിന് 14 സിപിഎം-ഡിവൈഎഫ്ഐ പ്രവര്ത്തകര്ക്കെതിരെ കേസെടുത്തിരുന്നു. വധശ്രമം ഉള്പ്പെടെ ഏഴ് വകുപ്പുകള് ചുമത്തിയായിരുന്നു കേസ്.
ചെടിച്ചട്ടിയും ഇരുമ്പ് വടിയും ഹെല്മറ്റും കൊണ്ട് യൂത്ത് കോണ്ഗ്രസ് പ്രവര്ത്തകന്റെ തലക്കടിച്ചെന്ന് എഫ്ഐആറില് പറയുന്നുണ്ട്. 14 പേര് ഉള്പ്പെടെ കണ്ടാലറിയാവുന്ന ഇരുപതോളം പേര്ക്കെതിരെയാണ് കേസെടുത്തത്. അതില് നാല് പേരാണ് ഇപ്പോള് ജാമ്യത്തിലിറങ്ങിയത്.
