ചെന്നൈ: രജനീകാന്തിന്റെ 73-ാം ജന്മദിനം ആഘോഷമാക്കി ആരാധകർ. ചെന്നൈ പോയസ് ഗാർഡനിലെ രജനിയുടെ വീടിന് മുന്നിൽ ഇന്നലെ പുലർച്ചെ മുതൽ ആശംസകളറിയിച്ച് ആരാധകരെത്തിയിരുന്നു. ഇതിന്റെ ചിത്രങ്ങളും വീഡിയോകളും സമൂഹമാദ്ധ്യമങ്ങളിൽ വൈറലാണ്. കുടുംബാംഗങ്ങൾക്കൊപ്പം ചെന്നൈയിലെ വസതിയിലായിരുന്നു അദ്ദേഹത്തിന്റെ പിറന്നാൾ ആഘോഷം.
ഭാര്യ ലത, മക്കൾ ഐശ്വര്യ, സൗന്ദര്യ എന്നിവരും അടുത്ത കുടുംബങ്ങാംഗങ്ങളും മാത്രമായിരുന്നു ആഘോഷങ്ങളുടെ ഭാഗഗമായുണ്ടായിരുന്നത്. നിരവധി താരങ്ങളാണ് രജനീകാന്തിന് ആശംസകളറിയിച്ചത്.
