പാലക്കാട് നാലാ വയസുകാരനെ കഴുത്ത് ഞെരിച്ച് കൊലപ്പെടുത്തി; സ്വയം മുറിവേൽപ്പിച്ച് പിതൃസഹോദരന്റെ ഭാര്യ

പാലക്കാട്: വണ്ണാമടയിൽ നാല് വയസുകാരനെ പിതൃസഹോദരന്റെ ഭാര്യ കഴുത്ത് ഞെരിച്ച് കൊലപ്പെടുത്തി. വണ്ണാമട സ്വദേശി മധുസൂദനന്റെ മകൻ ഋത്വിക് ആണ് കൊല്ലപ്പെട്ടത്. കുട്ടിയെ കൊലപ്പെടുത്തിയ ശേഷം സ്വയം മുറിവേൽപ്പിച്ച പ്രതി ദീപ്തിയെ സാരമായ പരിക്കുകളോടെ തൃശൂർ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുകയാണ്.

കൊലപാതകത്തിന് പിന്നിലെ കാരണം വ്യക്തമല്ല. വീട്ടിൽ ആളില്ലാത്ത സമയമാണ് പ്രതി കൃത്യം നടത്തിയത്. സംഭവമറിഞ്ഞ് വീട്ടിലെത്തിയ ബന്ധുക്കൾ കുട്ടിയെ ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ദീപ്തി മാനസിക പ്രശ്‌നങ്ങളെ തുടർന്ന് ചികിത്സയിലായിരുന്നുവെന്ന് പോലീസ് പറയുന്നു.